ആലപ്പുഴ: സര്‍വശിക്ഷ അഭിയാന്‍ ബാലോല്‍സവം -2017 ന്റെ സംസ്ഥാനതല ഉദ്ഘാടനം നാലിന് കലവൂര്‍ പ്രതീകുളങ്ങര എല്‍.പി സ്‌കൂളില്‍ നടക്കും. വിദ്യാഭ്യാസ മന്ത്രി പ്രൊഫ. സി രവീന്ദ്രനാഥ് ഉദ്ഘാടനം ചെയ്യും. മന്ത്രി തോമസ് ഐസക്ക് അധ്യക്ഷനാകും. ആയിരത്തോളം പ്രതിഭകള്‍ പങ്കെടുക്കും. പൊതുവിദ്യാലയത്തെ മികവിന്റെ കേന്ദ്രങ്ങളാക്കി മാറ്റുകയെന്നതാണ് പരിപാടിയുടെ ലക്ഷ്യം. സമ്മേളനത്തില്‍ ജില്ലാ പഞ്ചായത്ത് പ്രസിഡന്റ് ജി വേണുഗോപാല്‍, ഷീനാ സനല്‍കുമാര്‍, കെ ടി മാത്യു, ഡി പ്രിയേഷ് കുമാര്‍, തങ്കമണി ഗോപിനാഥ്, ജെ ജയലാല്‍, കവിത ഹിരദാസ്, ഡി അശോകന്‍, ബാബുകുട്ടന്‍, അനീറ്റ എസ് ലിന്‍, എം എന്‍ ഹരികുമാര്‍ തുടങ്ങിയവര്‍ സംബന്ധിക്കും. വാര്‍ത്താസമ്മേളനത്തില്‍ കെ ടി മാത്യു, ഇന്ദിര തിലകന്‍, ഹരികുമാര്‍, ഗീതാദേവി, മോഹന്‍ദാസ് തുടങ്ങിയവര്‍ പങ്കെടുത്തു.