കോട്ടയം: ഭക്ഷണം താമസിച്ചതിന്റെ പേരില്‍ ഹോസ്റ്റല്‍ കാന്റീന്‍ ജീവനക്കാരനെ കൈയേറ്റം ചെയ്ത പി.സി ജോര്‍ജിനെ നിയമസഭയില്‍ നിന്ന് പുറത്താക്കണമെന്ന് യൂത്ത് ഫ്രണ്ട് (എം) സംസ്ഥാന പ്രസിഡന്റ് സജി മഞ്ഞക്കടമ്പില്‍ പത്രസമ്മേളനത്തില്‍ ആവശ്യപ്പെട്ടു.
മര്‍ദനത്തിനിരയായ ജീവനക്കാരന്‍ മനു കേസ് കൊടുക്കാന്‍ കാരണം യൂത്ത് ഫ്രണ്ട് (എം) നടത്തിയ ഗൂഢാലോചനയാണെന്ന പി.സി ജോര്‍ജിന്റെ പ്രചരണം വിഷയത്തില്‍ നിന്ന് ഒളിച്ചോടാനുള്ള ശ്രമമാണ്. ജനപ്രതിനിധിയെന്ന നിലയില്‍ പൊതുജനങ്ങളെയും ഉദ്യോഗസ്ഥരെയും കൈയേറ്റം ചെയ്യുകയും ഭീക്ഷണിപ്പെടുത്തുകയും ചെയ്യുന്ന പി.സി ജോര്‍ജിന്റെ മാടമ്പിരാഷ്ട്രീയം ജനാധിപത്യ കേരളത്തിന് അപമാനകരമാണ്. പി.സി ജോര്‍ജിനെ ഉടന്‍ അറസ്റ്റ് ചെയ്യണമെന്നും സജി മഞ്ഞക്കടമ്പില്‍ ആവശ്യപ്പെട്ടു.