ബാഴ്‌സലോണ: കോപ്പ ഡെല്‍റേ ടൂര്‍ണമെന്റില്‍ ബാഴ്‌സലോണക്ക് ജയം. ഇന്നലെ നടന്ന മത്സരത്തില്‍ ലെവന്റെയെ എതിരില്ലാത്ത മൂന്ന് ഗോളുകള്‍ക്ക് പരാജയപ്പെടുത്തിയാണ് ബാഴ്‌സ ക്വാര്‍ട്ടറില്‍ പ്രവേശിച്ചത്. ആദ്യ പാദ മത്സരത്തില്‍ ലെവന്റെയോട് ബാഴ്‌സ 2-1ന് പരാജയപ്പെട്ടിരുന്നു. ഇരുപാദങ്ങളിലായി നടന്ന പ്രീക്വാര്‍ട്ടറില്‍ ലെവന്റെയെ 2-4ന് മറികടന്നാണ് ബാഴ്‌സ ക്വാര്‍ട്ടര്‍ ഫൈനലിലേക്ക് മുന്നേറിയത്. ഡംബലെയുടെ ഇരട്ടഗോളിന്റെ കരുത്തിലായിരുന്നു ബാഴ്‌സയുടെ വിജയം. സൂപ്പര്‍ താരം ലയണല്‍ മെസ്സിയും ബാഴ്‌സക്കായി ലക്ഷ്യം കണ്ടു.

ബാഴ്‌സയുടെ ഹോംഗ്രൗണ്ടണ്ടില്‍ 30, 31 മിനിട്ടുകളിലായിരുന്നു ഡംബാലെയുടെ ഗോള്‍ നേട്ടം. 54 ാം മിനുട്ടിലായിരുന്നു മെസ്സിയുടെ ഗോള്‍ പിറന്നത്.

പ്രീക്വാര്‍ട്ടറിലെ മറ്റു മത്സരങ്ങളില്‍ ഇരുപാദങ്ങളിലായി എസ്പാന്യോള്‍ 5-3ന് വിയ്യാറയലിനെയും റയല്‍ ബെറ്റിസ് 2-2 റയല്‍ സോസിഡാഡിനെയും മറികടന്നു. എവേ ഗോളിന്റെ മുന്‍തൂക്കത്തിലാണ് ബെറ്റിസ് സോസിഡാഡിനെ മറികടന്ന് ക്വാര്‍ട്ടര്‍ ഫൈനലില്‍ പ്രവേശിച്ചത്.