ചവറ: എന്‍.ആര്‍.ഇ.ജി വര്‍ക്കേഴ്‌സ് യൂനിയന്‍ ചവറ ഏരിയാ കമ്മിറ്റിയുടെ ആഭിമുഖ്യത്തില്‍ ശങ്കരമംഗലത്ത് സായ്ഹാന കൂട്ടായ്മ നടന്നു. തൊഴിലാളികള്‍ക്ക് വര്‍ഷത്തില്‍ ഇരുന്നൂറ് ദിവസം തൊഴില്‍ ദിനങ്ങള്‍ നല്‍കുക, ജോലി സമയം രാവിലെ 9 മുതല്‍ വൈകിട്ട് നാലുവരെയാക്കുക, വേതനം അഞ്ഞൂറ്  രൂപയാക്കുക തുടങ്ങിയ വിവിധ ആവശ്യങ്ങളുന്നയിച്ചായിരുന്നു കൂട്ടായ്മ. യൂനിയന്‍ ജില്ലാ വൈസ് പ്രസിഡന്റ്  ആര്‍. രാമചന്ദ്രന്‍ പിള്ള ഉദ്ഘാടനം നിര്‍വഹിച്ചു. ജെ ജോയി അധ്യക്ഷത വഹിച്ചു.  ടി. മനോഹരന്‍, ജില്ലാ കമ്മിറ്റി അംഗങ്ങളായ രാജമ്മ ഭാസ്‌ക്കരന്‍, അഡ്വ ജി മുരളീധരന്‍, ഡി. മന്‍മഥന്‍, എം വി പ്രസാദ്, സന്തോഷ്, സേതുലക്ഷ്മി, പുഷ്പലത, ബീനാ റഷീദ്, ശ്രീദേവി സംസാരിച്ചു.