കോഴിക്കോട്: അരക്കിലോ കഞ്ചാവ് കടത്തികൊണ്ടുവന്ന ബേപ്പൂര്‍ നടുവട്ടം ഉമ്മണ്ടേരി പ്രഭാകരനെ (55) കോഴിക്കോട് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എം.സുഗുണനും സംഘവും പിടികൂടി. കഞ്ചാവ് ചില്ലറ വില്‍പനക്കായി കൊണ്ടുവന്നതായിരുന്നു. ഇന്‍ഡോര്‍ സ്റ്റേഡിയത്തിന് സമീപം സ്‌കൂട്ടറില്‍ വിദേശ മദ്യം വില്‍പന നടത്തിയ ചേവായൂര്‍ നടുക്കണ്ടി പറമ്പ് കോവൂര്‍ എം.എല്‍.എ റോഡില്‍ ഏതന്‍ വീട്ടില്‍ ഗോഡ്ഫ്രണ്ട് സൈമണിനെ (60)യും പിടികൂടി. എക്‌സൈസ് ഇന്‍സ്‌പെക്ടര്‍ എന്‍.പി ബാലകൃഷ്ണന്‍, അസി. എക്‌സൈസ് ഇന്‍സ്‌പെക്ടര്‍ എസ്.എം ബാബുരാജ്, പ്രിവന്റീവ് ഓഫിസര്‍മാരായ ടി.കെ നിഷില്‍കുമാര്‍, കെ.മോഹനദാസന്‍, സിവില്‍ എക്‌സൈസ് ഓഫിസര്‍മാരായ കെ. പ്രവീണ്‍കുമാര്‍, എസ്. ഷിബിന്‍, എം. രജി, എസ്.ആര്‍ ദീന്‍ദയാല്‍, ഡ്രൈവര്‍ എം. ജയപ്രകാശ് എന്നിവര്‍ സംഘത്തില്‍ ഉണ്ടായിരുന്നു.