തിരൂരങ്ങാടി: റോഡരികില്‍ നിര്‍ത്തിയിട്ട സ്‌കൂട്ടര്‍ പട്ടാപകല്‍ കവര്‍ന്നു. കൊടിഞ്ഞി കുറുല്‍ കല്‍പാലത്തിങ്ങല്‍ അബ്ദുല്‍മജീദിന്റെ ആക്ടിവ സ്‌കൂട്ടറാണ് കൊടിഞ്ഞി കോറ്റത്തങ്ങാടിയില്‍നിന്നു മോഷണം പോയത്.
ഇന്നലെ പന്ത്രണ്ടരയോടെ സ്‌കൂട്ടര്‍ റോഡരികില്‍ നിര്‍ത്തി ജുമുഅഃ നിസ്‌കരിക്കാന്‍ കോറ്റത്തങ്ങാടി ജുമാമസ്ജിദ്‌ലേക്ക് കയറിയതായിരുന്നു. തിരിച്ചു വന്നപ്പോള്‍ വാഹനം കാണാനില്ല. ഒരു യുവാവ് ഈ സ്‌കൂട്ടര്‍ ഓടിച്ചുപോകുന്ന ദൃശ്യം സമീപ സ്ഥാപനത്തിലെ സി.സി.ടി.വിയില്‍ പതിഞ്ഞിട്ടുണ്ട്.
തിരൂരങ്ങാടി പൊലിസില്‍ പരാതിനല്‍കി. കൊടിഞ്ഞിറോഡിലെ മറ്റു സ്ഥാപനങ്ങളിലെ സി.സി.ടി.വി കൂടി പരിശോധിച്ച് മോഷ്ടാവിനെ പിടികൂടാനുള്ള ശ്രമം നടത്തുമെന്ന് തിരൂരങ്ങാടി എസ്.ഐ നൗഷാദ് ഇബ്രാഹിം പറഞ്ഞു.