കോഴിക്കോട്: മാനസിക വെല്ലുവിളികള്‍ നേരിടുന്നവര്‍ക്ക് മികച്ച പരിഗണന നല്‍കാന്‍ തയാറാണെന്ന് ജില്ലാ കലക്ടര്‍ യു.വി ജോസ്. പരിവാര്‍ ജില്ലാ കൗണ്‍സില്‍ ടൗണ്‍ഹാളില്‍ സംഘടിപ്പിച്ച  മാനസിക വെല്ലുവിളികള്‍ നേരിടുന്നവര്‍ക്കുള്ള സര്‍ക്കാര്‍ സ്‌പെഷല്‍ എംപ്ലോയ്‌മെന്റ് രജിസ്‌ട്രേഷന്റെയും കൈവല്ല്യ പദ്ധതിയുടെ ഉദ്ഘാടനവും നിര്‍വഹിച്ച് സംസാരിക്കുകയായിരുന്നു അദ്ദേഹം. പരിവാര്‍ ജില്ലാ പ്രസിഡന്റ് പ്രൊഫ. കെ. കോയട്ടി അധ്യക്ഷനായി. കെ.എല്‍ ആഗന്‍സ്, അഡ്വ.സുരേഷ് ബാബു, റംസി ഇസ്മാഈല്‍, പി. സിക്കന്ദര്‍, തെക്കയില്‍ രാജന്‍, സി.യൂസഫ്, കെ.സി ഫസലുല്ല, സി.എ സലീം, ബാബു കല്ലായ് സംസാരിച്ചു.