ചെറുപുഴ: കോഴിച്ചാല്‍ റവന്യൂവിന് സമീപം കര്‍ണ്ണാടക വനത്തില്‍ വന്‍ തീപിടിത്തം. 250 ഏക്കറിലധികം വനഭൂമി കത്തിനശിച്ചതായി വനപാലകര്‍ പറഞ്ഞു.
ഇന്നലെ ഉച്ചയ്ക്ക് ഒരുമണിയോടെയായിരുന്നു മുണ്ടറോട്ട് റെയ്ഞ്ചിലെ വനത്തില്‍ തീപിടുത്തമുണ്ടായത്. ഉണങ്ങിയ മുളങ്കൂട്ടങ്ങള്‍ക്ക് വളരെ വേഗത്തില്‍ തീപിടിച്ചു.
 ശക്തമായ കാറ്റും തീ പടരുന്നതിന് കാരണമായി. കര്‍ണാടക വനപാലകര്‍ക്ക് കാര്യമായി ഒന്നും ചെയ്യാന്‍ കഴിഞ്ഞില്ല. തീ വ്യാപിക്കാതിരിക്കാന്‍ ശ്രമങ്ങള്‍ നടത്തിയെങ്കിലും പൂര്‍ണമായും നിയന്ത്രിക്കാന്‍ കഴിഞ്ഞിട്ടില്ല.
വനത്തില്‍ വേട്ടക്കാരുടേയും മരം മുറിക്കുന്നവരുടേയും ശല്യമുള്ളതായി പറയപ്പെടുന്നു. രണ്ടുവര്‍ഷം മുന്‍പും ഇവിടെ തീപിടിത്തമുണ്ടായിരുന്നു.