കല്‍പ്പറ്റ: എസ്.കെ.എം.ജെ ഹയര്‍സെക്കന്‍ഡറി സ്‌കൂളിന്റെ ആഭിമുഖ്യത്തില്‍ സ്‌കൂളിലെ പൂര്‍വ വിദ്യാര്‍ഥിയും ഭാരതീയ ജ്ഞാനപീഠ പുരസ്‌കാരസമിതി ഏര്‍പ്പെടുത്തിയ മൂര്‍ത്തീദേവി പുരസ്‌ക്കാര ജേതാവുമായ എം.പി വീരേന്ദ്രകുമാറിന് സ്വീകരണം നല്‍കും. ചടങ്ങില്‍ ടി പത്മനാഭന്‍ മുഖ്യപ്രഭാഷണം നടത്തും. സി.കെ ശശീന്ദ്രന്‍ എം.എല്‍.എ അധ്യക്ഷനാവും. എം.ജെ വിജയപത്മന്‍ ഉപഹാരം നല്‍കും. എ.ഡി യശോധരന്‍ പൊന്നാടയണിയിക്കും. വെള്ളിയാഴ്ച വിളംബരജാഥ നടത്തുമെന്ന് സംഘാടകര്‍ വാര്‍ത്താസമ്മേളനത്തില്‍ പറഞ്ഞു. എ.ഡി യശോധരന്‍, ടി.വി രവീന്ദ്രന്‍, എ സുധാറാണി, എം.ബി വിജയരാജന്‍ വാര്‍ത്താസമ്മേളനത്തില്‍ പങ്കെടുത്തു.