പെരിന്തല്‍മണ്ണ: അലിഗഢ് മുസ്‌ലിം യൂനിവേഴ്‌സിറ്റി മലപ്പുറം കേന്ദ്രത്തിന്റെ ആറാം വാര്‍ഷികാഘോഷ പരിപാടികള്‍ പെരിന്തല്‍മണ്ണ കേന്ദ്രത്തില്‍ നടന്നു. ചടങ്ങില്‍ പുതുതായി നിര്‍മിച്ച അക്കാദമിക് ബ്ലോക്ക് നാലിന്റെയും വിപുലീകരിച്ച അക്കാദമിക് ബ്ലോക്ക് മൂന്നിന്റെയും ഓപ്പണ്‍ എയര്‍ സ്റ്റേജിന്റെയും ഉദ്ഘാടനം അലിഗഢ് വൈസ് ചാന്‍സലര്‍ ലെഫ്. ജനറല്‍ സമീറുദ്ദീന്‍ ഷാ നിര്‍വഹിച്ചു.
കേന്ദ്രത്തിന്റെ ഭാവി പദ്ധതികള്‍ രൂപപ്പെടുത്തുന്നതിനുള്ള ഉന്നതതല ചര്‍ച്ചകള്‍ നടന്നു. സി.പി.ഡബ്ലിയു.ഡി അധികാരികളുമായും അധ്യാപക-വിദ്യാര്‍ഥി-ജീവനക്കാരുമായും ഉന്നതതല സംഘം കൂടുക്കാഴ്ച നടത്തി. പ്രോ. വൈസ് ചാന്‍സലര്‍ ബ്രിഗേഡിയര്‍ സയ്യിദ് അഹ്മദ് അലി, അലിഗഢ് കോര്‍ട്ട് മെമ്പര്‍ ഇ.ടി മുഹമ്മദ് ബഷീര്‍ എം.പി, എക്‌സികുട്ടീവ് കൗണ്‍സില്‍ മെമ്പര്‍ അമീര്‍ അഹ്മദ് മണപ്പാട്ട്, മഞ്ഞളാംകുഴി അലി എം.എല്‍.എ, പെരിന്തല്‍മണ്ണ നഗരസഭാ ചെയര്‍മാന്‍ എം. മുഹമ്മദ് സലീം, മാസ്റ്റര്‍പ്ലാന്‍ കമ്മിറ്റി ചെയര്‍മാന്‍ നദീം തരീന്‍ എന്നിവര്‍ പങ്കെടുത്തു. കേന്ദ്രം ഡയറക്ടര്‍ പ്രൊഫ. അബ്ദുര്‍ റഷീദ് കെ.എം സ്വാഗതവും പ്രോഗ്രാം കണ്‍വീനര്‍ ഡോ. അബ്ദുല്‍ അസീസ് എന്‍.പി നന്ദിയും പറഞ്ഞു.