വടക്കാഞ്ചേരി: പൂര വിസ്മയം പെയ്‌തൊഴിഞ്ഞ വടക്കാഞ്ചേരിയില്‍ ഇരട്ടതായമ്പകയുടെ നാദലഹരിയുമായി വിദ്യാര്‍ഥിനികള്‍. മച്ചാട്  രഞ്ജിത്തിന്റെ നേതൃത്വത്തില്‍ തായമ്പക അഭ്യസിച്ച ഇരട്ടകുളങ്ങര പടിഞ്ഞാറ്റു മുറി സ്വദേശിനികളായ അമിത(13), അപര്‍ണ്ണ (12)എന്നിവരാണ് തായമ്പക അവതരണത്തിലൂടെ കരു മരക്കാട് ശിവക്ഷേത്ര നടപ്പുരയെ വാദ്യ നാദലഹരിയിലാറാടിച്ചത്. നിരവധി പേരാണ് പ്രകടനം  കാണാന്‍ ക്ഷേത്ര സന്നിധിയില്‍ തടിച്ച് കൂടിയത്.