കായംകുളം:സംസ്ഥാന ഹജ്ജ് കമ്മിറ്റി ചെയര്‍മാനായി തെരെഞ്ഞെടുക്കപ്പെട്ട ദക്ഷിണ കേരള ജംഇയ്യത്തുല്‍ ഉലമാ സംസ്ഥാന സെക്രട്ടറി തൊടിയൂര്‍ മുഹമ്മദ് കുഞ്ഞ് മൗലവിക്ക് ചാരുംമൂട്ടില്‍ പൗര സ്വീകരണം നല്‍കുന്നു.
ദക്ഷിണ കേരള ജംഇയ്യത്തുല്‍ ഉലമായുടെയും പോഷക സംഘനകളുടെയും നേതൃത്വത്തില്‍ മാര്‍ച്ച് അഞ്ചിന് വൈകുന്നേരം5.30 ന് ചാരുംമൂട് ജംഗ്ഷനിലാണ് സ്വീകരണം നല്‍കുക.സ്വീകരണ സമ്മേളനം പൊതുമരാമത്ത് മന്ത്രി ജി സുധാകരന്‍ ഉദ്ഘാടനം ചെയ്യും.
ഡി കെ എല്‍ എം മേഖലാ പ്രസിഡന്റ് എ ആര്‍ താജുദീന്‍ മൗലവി അധ്യക്ഷത വഹിക്കും.കൊടിക്കുന്നില്‍ സുരേഷ് എം.പി മുഖ്യപ്രഭാഷണം നടത്തും.
സമ്മേളനത്തില്‍ ഹജ്ജ് കമ്മിറ്റി ചെയര്‍മാനെ ആര്‍ രാജേഷ് എം.എല്‍.എ ഉപഹാരം നല്‍കി അനുമോദിക്കുകയും ചെയ്യുമെന്ന് സ്വാഗത സംഘം ഭാരവാഹികളായ കെ.എം.വൈ.എഫ് സംസ്ഥാന ജനറല്‍ സെക്രട്ടറി നൗഷാദ് മാങ്കാംകുഴി,ജമാഅത്ത് ഫെഡറേഷന്‍ ജില്ലാ പ്രസിഡന്റ് കെ സാദിഖ് അലിഖാന്‍,ഡി.കെ.എല്‍.എം മേഖലാ സെക്രട്ടറി കെ.പി ഹുസൈന്‍ മൗലവി എന്നിവര്‍ അറിയിച്ചു.