ജിദ്ദ: സഊദിയുടെ കിഴക്കൻ പ്രവിശ്യയായ ദമ്മാമിലേക്ക് ഇൻഡിഗോ എയർലൈൻസ് സർവീസ് ആരംഭിക്കുന്നു. മാർച്ച് 20 മുതലാണ് പുതിയ സർവീസ് ആരംഭിക്കുക. ജിദ്ദയിലേക്കും റിയാദിലേക്കും ഇൻഡിഗോ എയർലൈൻസ് ഇപ്പോൾ സർവീസ് നടത്തുന്നുണ്ട്. ഡൽഹി കേന്ദ്രമാക്കിയാണ് പുതിയ സർവീസ് ആരംഭിക്കുന്നത്. ഡൽഹിയിലെ ഇന്ദിര ഗാന്ധി അന്താരാഷ്ട്ര വിമാനത്താവളത്തിൽ നിന്ന് ദമ്മാമിലെ കിംഗ് ഫഹദ് അന്താരാഷ്‌ട്ര വിമാനത്താവളത്തിലേക്കും തിരിച്ചും സർവീസ് നടത്തും.

കോഴിക്കോട്, തിരുവനന്തപുരം എന്നിവിടങ്ങളിലേക്ക് കണക്ഷൻ ഫ്‌ളൈറ്റ്‌കളിൽ യാത്രക്കാർക്ക് എത്തിച്ചേരാൻ സാധിക്കും.നിലവിൽ എയർ ഇന്ത്യ മാത്രമാണ് ദമ്മാമിൽ നിന്നും ഡൽഹിയിലേക്കും തിരിച്ചും സർവീസ് നടത്തുന്നത്. ഇൻഡിഗോ കൂടി സർവീസ് ആരംഭിക്കുന്നതോടെ യാത്ര നിരക്കിൽ കുറവ് വരുമെന്നാണ് പ്രതീക്ഷിക്കപ്പെടുന്നത്.യാത്രാ സമയം നാല് മണിക്കൂർ അൻപത് മിനിറ്റ് ആയിരിക്കും. എയർ ബസ് എ 320 ആണ് സർവീസിന് ഉപയോഗിക്കുക.സഊദിയുടെ കിഴക്കൻ പ്രവിശ്യയിലെ ദമ്മാമിൽ പത്ത് ലക്ഷത്തോളം ഇന്ത്യൻ പ്രവാസികൾ താമസിക്കുന്നുണ്ട്.