ചാവക്കാട്: കടപ്പുറം മണ്ഡലം കോണ്‍ഗ്രസ് കമ്മിറ്റി യോഗത്തില്‍ പങ്കെടുക്കാനെത്തിയ യൂത്ത് കോണ്‍ഗ്രസ് നേതാവ് ആനാംകടവില്‍ ശുഹൈബിനെ ആക്രമിച്ച സംഭവത്തില്‍ മൂന്നുപേര്‍ അറസ്റ്റില്‍. ഗുരുവായൂര്‍ ബ്ലോക്ക് കോണ്‍ഗ്രസ് കമ്മിറ്റി ട്രഷറര്‍ ടി.എ നാസര്‍, കടപ്പുറം മണ്ഡലം കോണ്‍ഗ്രസ് കമ്മിറ്റി സെക്രട്ടറിയും ഒരുമനയൂര്‍ സര്‍വിസ് സഹകരണ ബാങ്ക് ഡയരക്ടറുമായ അബ്ദുള്‍ റസാഖ്, ഐ.എന്‍.ടി.യു.സി പ്രവര്‍ത്തകന്‍ ഇസ്മയില്‍ എന്നിവരെയാണ് ചാവക്കാട് പൊലിസ് അറസ്റ്റു ചെയ്തത്.ശുഹൈബിന്റെ പരാതിയില്‍ നാസറിനെയും അബ്ദുള്‍ റസാഖിനെയും കഴിഞ്ഞ ദിവസം പാര്‍ട്ടിയില്‍ നിന്നും സസ്‌പെന്‍ഡ് ചെയ്തിരുന്നു.