തിരുവനന്തപുരം: മുഖ്യമന്ത്രി പിണറായി വിജയനെതിരേ കൊലവിളി നടത്തിയ ആര്‍.എസ്.എസ് നേതാവിനെതിരേ കേസെടുക്കണമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. യു.എ.പി.എ ചുമത്തുന്നതിനെക്കുറിച്ച് പരിശോധിക്കണമെന്നും അദ്ദേഹം തിരുവനന്തപുരത്ത് വാര്‍ത്താ സമ്മേളനത്തില്‍ പറഞ്ഞു.

കേന്ദ്ര സര്‍ക്കാരിന്റെ തണലിലാണ് ഭീകരവാദം നടക്കുന്നത്. ഇന്നലെ ബജറ്റിന്റെ പുറത്തു വന്ന കോപ്പി മാധ്യമങ്ങള്‍ക്കു നല്‍കാന്‍ വച്ച കുറിപ്പാണ്. സംഭവത്തില്‍ ഉത്തരവാദികള്‍ക്കെതിരേ ഇന്നലെ തന്നെ നടപടിയെടുത്തു. ബജറ്റ് വീണ്ടുമവതരിപ്പിക്കാന്‍ പോകുന്നില്ല. സര്‍ക്കാരിനെ അസ്ഥിരപ്പെടുത്താനാണ് കോണ്‍ഗ്രസിന്റെയും ബി.ജെ.പിയുടെയും ശ്രമമെന്നും അദ്ദേഹം പറഞ്ഞു.

കേരളത്തിലെ സി.പി.എമ്മിന്റെ ചരിത്രം തയാറാക്കാന്‍ തീരുമാനിച്ചിട്ടുണ്ട്. നവംബറില്‍ ആദ്യ വാള്യം പുറത്തിറങ്ങും. മദ്യനയത്തില്‍ ആര്‍ക്കും അവ്യക്തതയില്ല. പുതിയ മദ്യനയം എല്ലാ വശങ്ങളും കണക്കിലെടുത്തായിരിക്കുമെന്നും അദ്ദേഹം കൂട്ടിച്ചേര്‍ത്തു.