ആലപ്പുഴ: മൂല്യാധിഷ്ഠിത പ്രവര്‍ത്തനങ്ങള്‍ ഉയര്‍ത്തിപ്പിടിച്ച് നന്മയുടെയും നീതിയുടെയും വാക്താക്കളാകാന്‍ വിദ്യാര്‍ഥികള്‍ മുന്നിട്ടിറങ്ങണമെന്ന് മന്ത്രി ജി സുധാകരന്‍ പറഞ്ഞു.
എസ്.കെ.എസ്.എസ്.എഫ് ആലപ്പുഴ മേഖലാ സില്‍വര്‍ ജൂബിലി ലോഗോ പ്രകാശനം ചെയ്യുകയായിരുന്നു അദ്ദേഹം.
തികഞ്ഞ അച്ചടക്കവും ചിട്ടയും മുഖമുദ്രയായി സ്വീകരിച്ച പ്രസ്ഥാനമാണ് സമസ്ത. ആലപ്പുഴയില്‍ നടന്ന തൊണ്ണൂറാം വാര്‍ഷിക മഹാസമ്മേളനം അതിന്റെ വിജയമാണെന്നും അദ്ദേഹം കൂട്ടിച്ചേര്‍ത്തു. സ്വാഗത സംഘം ചെയര്‍മാന്‍ പി.എ ശിഹാബുദ്ദീന്‍ മുസ്ലിയാര്‍ അധ്യക്ഷത വഹിച്ചു.
എ ഷജീര്‍ മുസ്‌ലിയാര്‍ ഖിറാഅത്ത് നടത്തി. ലജ്‌നത്തുല്‍ മുഹമ്മദിയ്യ പ്രസിഡന്റ് എ.എം നസീര്‍, എസ്.വൈ.എസ് ജില്ലാ പ്രസിഡന്റ് നിസാമുദ്ദീന്‍ ഫൈസി, മുനിസിപ്പല്‍ കൗണ്‍സിലര്‍ എ.എം നൗഫല്‍, ജംഇയ്യത്തുല്‍ മുഅല്ലിമീന്‍ റെയിഞ്ച് ഭാരവാഹികളായ എന്‍.പി എ നാസ്വിര്‍ മുസ്‌ലിയാര്‍, എം.കെ നവാസ്, സ്വാഗത സംഘം ജനറല്‍ കണ്‍വീനര്‍ എ.എം.എം ശാഫി റഹ്മത്തുല്ലാഹ്, ട്രഷറര്‍ ഫൈസല്‍ ശംസുദ്ദീന്‍, എസ്.വൈ.എസ് മേഖലാ സെക്രട്ടറി ഇ.എന്‍.എസ് നവാസ് എന്നിവര്‍ സംസാരിച്ചു.
പി.എ അബൂബക്കര്‍ എസ്.എം.ജെ, ബാബു ശരീഫ്, പി.എ നവാസ് അന്‍വരി, സിറാജുദ്ദീന്‍ അശ്‌റഫി, സിറാജുദ്ദീന്‍ ഫൈസി, എ.എം സുധീര്‍ മുസ്‌ലിയാര്‍, സൈനുദ്ദീന്‍ വലിയകുളം, നാസിം വലിയമരം, എം ബാബു, ശുഐബ് അബ്ദുല്ലാഹ്, അമീര്‍ കുഞ്ഞുമോന്‍, യൂനുസ് കുന്നംപുറം, എന്നിവര്‍ സംബന്ധിച്ചു.