പാനൂര്‍: പ്രധാനധ്യാപികയെ മര്‍ദിച്ച സംഭവത്തില്‍ സഹഅധ്യാപകനെ പൊലിസ് അറസ്റ്റു ചെയ്തു. പൊയിലൂര്‍ സെന്‍ട്രല്‍ എല്‍.പി സ്‌കൂള്‍ അധ്യാപകനും സി.പി.എം നേതാവുമായ ചെറുവത്ത് പവിത്ര(54)നെയാണ് കൊളവല്ലൂര്‍ എസ്.ഐ രാജഗോപാല്‍ അറസ്റ്റു ചെയ്തത്. പ്രധാനധ്യാപികയായ നീനയെ മര്‍ദിക്കുകയും പല ഘട്ടങ്ങളിലായി മാനസികമായി ഇയാള്‍ പീഡിപ്പിക്കുകയുമായിരുന്നു. തലശ്ശേരി കോടതിയില്‍ ഹാജരാക്കിയ ഇയാളെ 14 ദിവസത്തേക്കു റിമാന്‍ഡ് ചെയ്തു. പവിത്രനെതിരെ നടപടിയെടുക്കാത്തതില്‍ കലക്ട്രേറ്റിനു മുന്നില്‍ നീന കുത്തിയിരിപ്പ് സമരം നടത്തിയിരുന്നു.