മനില: ഫിലിപ്പീന്‍സിലെ പള്ളിയിലുണ്ടായ ഇരട്ട സ്‌ഫോടനത്തില്‍ 21 പേര്‍ കൊല്ലപ്പെട്ടു. 71 പേര്‍ക്ക് പരുക്കേറ്റു. സുലു പ്രവിശ്യയിലെ ജോളോയിലെ റോമന്‍ കത്തോലിക്ക് പളളിയ്ക്കു നേരെയാണ് ആക്രമണമുണ്ടായത്.

കുറുബാന നടന്നുകൊണ്ടിരിക്കെ പള്ളിയുടെ കവാടത്തിലാണ് ആദ്യ സ്‌ഫോടനം നടന്നത്. ഇതിനു പിന്നാലെ കാര്‍ പാര്‍ക്കിങ് ഏരിയയിലും സ്‌ഫോടനം നടന്നു. കൊല്ലപ്പെട്ടവരില്‍ അഞ്ചു പേര്‍ സൈനികരാണ്. ആക്രമണത്തിന്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ല.