വിഴിഞ്ഞം: ഓട്ടത്തിനിടയില്‍ ഹമ്പില്‍ കയറിയതിനെ തുടര്‍ന്നുണ്ടായ കുലുക്കത്തില്‍ കെ.എസ്.ആര്‍ടി.സി ബസിന്റെ ഡോര്‍ തുറന്നു. റോഡിലേക്കു തെറിച്ചു വീണ് വിദ്യാര്‍ഥിനിക്കു പരുക്കേറ്റു. തലയ്ക്ക് പരുക്കേറ്റ വെങ്ങാനൂര്‍ ചിറയില്‍ സ്വദേശി അനില(16)യെ പൊലിസ് ജീപ്പില്‍ വിഴിഞ്ഞം സര്‍ക്കാര്‍ ആശുപത്രിയില്‍ പ്രവേശിപ്പിച്ചു.
ഇന്നലെ വൈകുന്നേരം നാലരയോടെ കോവളം കളിയിക്കവിള റോഡില്‍ ആഴാകുളത്തിനു സമീപത്തായിരുന്നു അപകടം. തിരുവനന്തപുരം കാര്‍ത്തിക തിരുനാള്‍ സ്‌കൂളിലെ പ്ലസ്‌വണ്‍ വിദ്യര്‍ഥിനിയായ അനില വീട്ടിലേക്ക് വരുമ്പോഴായിരുന്നു അപകടത്തില്‍പെട്ടത്. ബസിനു പുറകില്‍ വാഹനങ്ങള്‍ ഉണ്ടായിരുന്നെങ്കിലും വേഗതയിലല്ലാതിരുന്നത് വന്‍അപകടം ഒഴിവാക്കി.