കണ്ണൂര്‍: വിമാനം തകരാറിലായതിനെ തുടര്‍ന്ന് മുഖ്യമന്ത്രിക്ക് പ്രധാനമന്ത്രിയെ സ്വീകരിക്കാനായില്ല.
തലശേരിയിലെ പരിപാടികളില്‍ പങ്കെടുത്തശേഷം ഇന്നലെ ഉച്ചയ്ക്ക് 12.30ന് മുഖ്യമന്ത്രിയുമായി കണ്ണൂര്‍ വിമാനത്താവളത്തില്‍നിന്ന് പുറപ്പെടാനിരുന്ന നാവികസേനയുടെ ഡോണിയര്‍ വിമാനമാണു തകരാറിലായത്.
ഇതേ തുടര്‍ന്ന് കൊച്ചിയില്‍നിന്ന് നാവികസേനയുടെ മറ്റൊരു വിമാനം എത്തിച്ച് ഉച്ചയ്ക്ക് 1.47നാണ് മുഖ്യമന്ത്രിക്ക് പുറപ്പെടാനായത്.
മുഖ്യമന്ത്രിയ്‌ക്കൊപ്പം ഗണ്‍മാനും പേഴ്‌സണല്‍ സ്റ്റാഫും മാത്രമാണ് ഉണ്ടായിരുന്നത്. 2.30ന് കൊച്ചി നാവികസേനാ വിമാനത്താവളത്തിലെത്തി. വിമാനത്തിനു ബാറ്ററി തകരാറാണു സംഭവിച്ചതെന്നു വിമാനത്താവള അധികൃതര്‍ വിശദീകരിച്ചു. തിരുവനന്തപുരത്തുനിന്ന് രാവിലെ ഹെലികോപ്റ്ററിലാണു മുഖ്യമന്ത്രി കണ്ണൂരില്‍ എത്തിയിരുന്നത്.