തൊടുപുഴ: കെ.എസ്.ആര്‍.ടി.സി ഡയറക്ടര്‍ ബോര്‍ഡ് അംഗമായി ചുമതലയേറ്റ സി.വി വര്‍ഗീസിന് തൊടുപുഴയിലും മൂലമറ്റത്തും സ്വീകരണം നല്‍കി. കെ.എസ്.ആര്‍.ടി എംപ്ലോയീസ് അസോസിയേഷന്‍ (സി.ഐ.ടി.യു) യൂനിറ്റ് കമ്മിറ്റികളുടെ ആഭിമുഖ്യത്തിലായിരുന്നു  മൂലമറ്റം, തൊടുപുഴ ഡിപ്പോകളില്‍ സ്വീകരണം.
 പരിപാടിക്കെത്തിയ വര്‍ഗീസ് രണ്ടു ഡിപ്പോകളിലെയും അധികൃതരുമായും ജീവനക്കാരുമായും കെ.എസ്.ആര്‍.ടി.സി വികസനം സംബന്ധിച്ച് ചര്‍ച്ച നടത്തി.
 അനധികൃത കൈയേറ്റത്തിലൂടെ നഷ്ടപ്പെട്ട തെടുപുഴ കെ.എസ്.ആര്‍.ടി.സി ഡിപ്പോയുടെ 28 സെന്റ് സ്ഥലം തിരിച്ചുപിടിക്കാന്‍ നടപടി സ്വീകരിക്കുമെന്നും അവശേഷിക്കുന്ന ജോലികള്‍ പൂര്‍ത്തീകരിച്ച് തൊടുപുഴ ഡിപ്പോ ഉടന്‍ ഉദ്ഘാടനം ചെയ്യുമെന്നും അദ്ദേഹം പറഞ്ഞു. സംഘടനാഭേദമില്ലാതെ ജീവനക്കാര്‍ ഉതിനായി  പ്രവര്‍ത്തിക്കണമെന്നും അദ്ദേഹം അഭ്യര്‍ഥിച്ചു.
  തൊടുപുഴയിലെ സ്വീകരണ സമ്മേളനത്തില്‍ അസോസിയേഷന്‍ യൂനിറ്റ് പ്രസിഡന്റ് എ കുട്ടന്‍ അധ്യക്ഷനായി. സി.പി.എം ജില്ലാ സെക്രട്ടറിയറ്റംഗം വി.വി മത്തായി ഉദ്ഘാടനം ചെയ്തു. തൊടുപുഴ  ഏരിയ സെക്രട്ടറി മുഹമ്മദ് ഫൈസല്‍, സി.ഐ.ടി.യു ജില്ലാ ജോയിന്റ് സെക്രട്ടറി ടി.ആര്‍ സോമന്‍, വൈസ് പ്രസിഡന്റ് കെ.എം ബാബു, ജനാധിപത്യ മഹിളാ അസോസിയേഷന്‍ ഏരിയ സെക്രട്ടറി ലൈല ജോസഫ്, ഡി.വൈ.എഫ്.ഐ ബ്ലോക്ക് സെക്രട്ടറി എം. മധു, എന്‍.ജി.ഒ യൂനിയന്‍ ജില്ലാ പ്രസിഡന്റ് കെ.കെ പ്രസുഭകുമാര്‍, അസോസിയേഷന്‍ സംസ്ഥാന ഓര്‍ഗനൈസിങ് സെക്രട്ടറി പി.ആര്‍ സുബ്രഹ്മണ്യന്‍, ജില്ലാ പ്രസിഡന്റ് ടി.എസ് നന്ദഗോപന്‍, സെക്രട്ടറി സി.ആര്‍ മുരളി, പെന്‍ഷനേഴ്‌സ് ഓര്‍ഗനൈസേഷന്‍ സംസ്ഥാന കമ്മിറ്റിയംഗം സി.കെ രാധാകൃഷ്ണന്‍  സംസാരിച്ചു.