കൊല്ലം: ഉറങ്ങിക്കിടന്ന അഞ്ചുവയസുകാരന്‍ പാമ്പുകടിയേറ്റ് മരിച്ചു. കൊല്ലം പുത്തൂരില്‍ മാവടി ആറ്റുവാശേരി തെങ്ങുവിള മണിമന്ദിരത്തില്‍ മണിക്കുട്ടന്റെ മകന്‍ ശിവജിത്താണ് മരിച്ചത്. ശിവജിത്ത് മാവടി ജി.എല്‍.പി സ്‌കൂളിലെ എല്‍.കെ.ജി വിദ്യാര്‍ഥിയായിരുന്നു.

ചൊവ്വാഴ്ച പുലര്‍ച്ചെയാണ് സംഭവം. ഉറക്കത്തില്‍ എന്തോ കടിച്ചെന്ന് കുട്ടി അമ്മയോട് പറഞ്ഞിരുന്നു. പരിശോധിച്ചപ്പോള്‍ കാലില്‍ രണ്ട് പാടുകളും ചോരവരുന്നതും ശ്രദ്ധയില്‍ പെട്ടു.
ഉടന്‍ അടുത്തുള്ള വൈദ്യന്റെ ചികിത്സ തേടിയെങ്കിലും നില വഷളാവുകയായിരുന്നു. കുട്ടിയെ അടുത്തുള്ള സ്വകാര്യ ആശുപത്രിയിലും പിന്നീട് കൊട്ടാരക്കര താലൂക്ക് ആശുപത്രിയിലും എത്തിച്ചെങ്കിലും ജീവന്‍ രക്ഷിക്കാനായില്ല.