കൊച്ചി: കേരളത്തിലെ തെരഞ്ഞെടുപ്പ് പ്രചാരണത്തിന് ചൂടും ചൂരും പകരാന്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി ഇന്നു കേരളത്തില്‍ എത്തും. ഉച്ചയ്ക്ക് ഒരു മണിക്ക് കൊച്ചി അന്താരാഷ്ട്ര വിമാനത്താവളത്തിലെത്തുന്ന രാഹുല്‍ അന്തരിച്ച മുന്‍ എം.പി എം.ഐ ഷാനാവാസിന്റെ വീട് സന്ദര്‍ശിക്കും.

വൈകുന്നേരം മൂന്നിന് മറൈന്‍ ഡ്രൈവില്‍ കോണ്‍ഗ്രസ് നേതൃ സംഗമത്തില്‍ പങ്കെടുക്കും. 4.50 ന് ഗസ്റ്റ് ഹൗസില്‍ യു.ഡി.എഫ് നേതാക്കളുമായി കൂടിക്കാഴ്ച്ച നടത്തും. തെരഞ്ഞെടുപ്പ് ഒരുക്കങ്ങള്‍ സംബന്ധിച്ച് ഘടകകക്ഷി നേതാക്കളുമായി രാഹുല്‍ സംസാരിക്കും. 6.45 ന് ഡല്‍ഹിക്ക് മടങ്ങും.