പാനൂര്‍: ബൈക്കില്‍ ടിപ്പര്‍ ലോറിയിടിച്ച് വിദ്യാര്‍ഥിനിക്ക് ദാരുണാന്ത്യം. സെന്‍ട്രല്‍ പുത്തൂര്‍ എല്‍.പി സ്‌കൂള്‍ രണ്ടാംതരം വിദ്യാര്‍ഥിനി കല്ലുവളപ്പിലെ പുതിയ പറമ്പത്ത് സത്യന്റെയും പ്രനിഷയുടെയും മകള്‍ അന്‍വിയ(7) യാണ് മരണപ്പെട്ടത്.
ഇന്ന് രാവിലെ ഒന്‍പതു മണിയോടെ ചെണ്ടയാട് ഗുരുദേവ സ്മാരകം യു.പി.സ്‌കൂളിന് സമീപമാണ് സംഭവം. അമ്മാവനുമൊത്ത് ബൈക്കില്‍ സ്‌കൂളിലേക്ക് പോകവേ ഗുരുദേവ സ്മാരകത്തിനു സമീപത്തെ വളവില്‍ നിന്നും അമിത വേഗത്തിലെത്തിയ ടിപ്പര്‍ ലോറി ബൈക്കിനെ മറികടക്കാന്‍ ശ്രമിക്കുന്നതിനിടയില്‍ ലോറിയുടെ പിന്‍ഭാഗം ബൈക്കിനെ ഇടിച്ച് തെറിപ്പിക്കുകയായിരുന്നു. ഇടിയുടെ ആഘാതത്തില്‍ കുട്ടി തലയടിച്ച് തെറിച്ചുവീഴുകയായിരുന്നു. ഉടന്‍ തന്നെ പാനൂരിലെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
സഹോദരന്‍ :അന്‍വിന്‍