വൈത്തിരി: ഫെബ്രുവരി 25, 26 തീയതികളില്‍ ഗോവയില്‍ നടന്ന ദേശീയ സീനിയര്‍ കരാത്തെ ചാംപ്യന്‍ഷിപ്പില്‍ കേരളത്തിനായി ഫൈറ്റിങില്‍ അജന്യ ഗബ്രിയേല്‍ വെങ്കല മെഡല്‍ നേടി. കേരളത്തിന്റെ ഈ വര്‍ഷത്തെ ഏക നാഷനല്‍ മെഡലിസ്റ്റായ അജന്യ ജില്ലയില്‍ നിന്നും ആദ്യമായി നാഷനല്‍ ടൂര്‍ണമെന്റില്‍ മെഡല്‍ നേടുന്ന വ്യക്തിയാണ്. വൈത്തിരി അലന്‍ തിലക് കരാത്തെ അക്കാദമിയിലെയും ലക്കിടി ഓറിയന്റല്‍ കോളജിലെ ബി.എസ്.സി ഒന്നാം വര്‍ഷ വിദ്യാര്‍ഥിയുമായ അജന്യ വൈത്തിരി കൊച്ചുകുളത്തിങ്കല്‍ ഗബ്രിയേലിന്റെയും ഷൈജയുടെയും മകളാണ്.