സോപോര്‍: ജമ്മു കശ്മീരിലെ സോപോറില്‍ സൈനികര്‍ നടത്തിയ ഏറ്റുമുട്ടലില്‍ രണ്ടു തീവ്രവാദികളെ വധിച്ചു. ഒരു വീട്ടിനുള്ളില്‍ വച്ചാണ് ഇവരെ വധിച്ചത്. ഇന്ത്യന്‍ ആര്‍മിയും പൊലിസും സംയുക്തമായാണ് ഏറ്റുമുട്ടല്‍ നടത്തിയത്.

തീവ്രവാദികള്‍ നുഴഞ്ഞുകയറിയിട്ടുണ്ടെന്ന റിപ്പോര്‍ട്ടിന്റെ അടിസ്ഥാനത്തിലാണ് സ്ഥലത്ത് ഇന്നു രാവിലെ ഏറ്റുമുട്ടല്‍ ആരംഭിച്ചതെന്നു മുതിര്‍ന്ന പൊലിസ് ഉദ്യോഗസ്ഥന്‍ പറഞ്ഞു. ഇവര്‍ ഛാന മൊഹല്ലയിലെ വീട്ടിലുണ്ടെന്നറിഞ്ഞ് സൈന്യം വളയുകയായിരുന്നു. സൈന്യം വീടു വളയുന്നതറിഞ്ഞ് തീവ്രവാദികള്‍ ശക്തമായി വെടിവയ്പ്പ് നടത്തിയതായും പൊലിസ് പറഞ്ഞു.