തിരൂരങ്ങാടി: ജോലിയുടെ ഭാഗമായി കരാര്‍തൊഴിലാളികള്‍ തീയിട്ടത് താലൂക്കാശുപത്രി വളപ്പില്‍ പരിഭ്രാന്തി പരത്തി. ഇന്നലെ ഉച്ചയോടെയാണ് സംഭവം. താലൂക്ക് ആശുപത്രിയില്‍ മോര്‍ച്ചറിക്ക് പിന്‍വശത്തെ മുറിച്ചിട്ട മരത്തടികള്‍ക്കാണ് തീപിടിച്ചത്. ജോലി യാവശ്യാര്‍ത്ഥം കരാര്‍ തൊഴിലാളികള്‍ ഇവിടെയുണ്ടായിരുന്ന ഉണങ്ങിയ മരിച്ചില്ലകളിലാണ് തീയിട്ടത്. എന്നാല്‍ ഇത് പിന്നീട് കൂട്ടിയിട്ട മരത്തടികളിലേക്ക് പടര്‍ന്ന് ആളിക്കത്തുകയായിരുന്നു.  മോര്‍ച്ചറിക്ക് പിന്‍വശത്തെ ട്രാന്‍സ്‌ഫോമറിലേക്ക് തീ പടരാതിരുന്നത് വാന്‍ ദുരന്തം ഒഴിവാക്കി. തീ പടര്‍ന്ന് ബൈപാസ് റോഡിലെ സോളാര്‍ ബാറ്ററി നശിച്ചിട്ടുണ്ട്. നാട്ടുകാര്‍ തീയണച്ചു.