കുമളി: ഓട്ടോ ഡ്രൈവര്‍ സെന്തില്‍കുമാര്‍ കൊല്ലപ്പെട്ട സംഭവത്തില്‍ തെളിവു നശിപ്പിക്കാന്‍ കൂട്ടുനിന്നതിന് വാളര്‍ഡി മേപ്പരട്ട് ആറുമുഖം വീട്ടില്‍ ശരണവനെ (25) അറസ്റ്റ് ചെയ്തു. സെന്തില്‍കുമാറിന്റെ ഓട്ടോറിക്ഷ സംഭവസ്ഥലത്തുനിന്ന് മാറ്റുന്നതിന് സഹായിച്ചത് ഇയാളാണ്. അതേസമയം, കൊലപാതകത്തില്‍ യുവാവിനു പങ്കില്ലെന്ന് പൊലിസ് പറഞ്ഞു. ഇരുമ്പുകമ്പി കൊണ്ട് തലയ്ക്ക് അടിയേറ്റാണ് സെന്തില്‍ മരിച്ചതെന്ന് പോസ്റ്റുമോര്‍ട്ടം റിപ്പോര്‍ട്ടില്‍ പറയുന്നു. വീട്ടില്‍നിന്നിറങ്ങി മൂന്നു ദിവസമായിട്ടും സെന്തില്‍ തിരിച്ചുവരാത്തതിനെ തുടര്‍ന്നു നടത്തിയ തിരച്ചലിലാണ് ബന്ധുവീടിനു സമീപത്തുള്ള കുറ്റിക്കാട്ടില്‍ മൃതദേഹം കണ്ടെത്തിയത്.
അന്വേഷണത്തില്‍ കൊലപാതകം നടത്തിയത് ബന്ധുവായ ഗുരുസ്വാമിയാണെന്ന് മനസിലായിരുന്നു. പിടിയിലാകുന്നതിനുമുന്‍പ് ഇയാള്‍ ആത്മഹത്യ ചെയ്തു.