കൊടുങ്ങല്ലൂര്‍: നഗരത്തിലെ രണ്ടിടങ്ങളില്‍ മോഷണം. തെക്കേനടയിലെ കൂടലൂര്‍ കോംപ്ലക്‌സില്‍ പ്രവര്‍ത്തിക്കുന്ന ഫാന്‍സി ഹയര്‍പര്‍ച്ചേസ് എന്ന സ്ഥാപനത്തിന്റെ മുന്‍ഭാഗത്തെ വാതിലിന്റെ പൂട്ടു പൊളിച്ച് മേശയുടെ വിലിപ്പിലുണ്ടായിരുന്ന 6200 രൂപയും സമീപത്തെ വക്കീലോഫീസില്‍ നിന്നും 4200 രൂപയുമാണ് മോഷണം പോയത്.
ചൊവ്വാഴ്ച പുലര്‍ച്ചെയാണ് സംഭവം. കടയുടമ പുല്ലൂറ്റ് കെ.കെ.ടി.എം. കോളേജ് ജംങ്ഷന് സമീപം പീടികപറമ്പില്‍ വിശ്വനാഥന്‍ കര്‍ത്തയുടെ പരാതിയില്‍ പൊലിസ് കേസെടുത്തു.