എടക്കര: പ്രായപൂര്‍ത്തിയാകാത്ത വിദ്യാര്‍ഥിയെ തട്ടിക്കൊണ്ടുപോയി പീഡിപ്പിച്ച കേസിലെ പ്രതി പൊലിസ് പിടിയില്‍. പോത്തുകല്ല് വെളുമ്പിയംപാടം പാടം പാറന്മല്‍ ആഷിഖിനെയാണ് എടക്കര സി.ഐ കെ.സി സേതുവിന്റെ നിര്‍ദേശാനുസരണം പോത്തുകല്ല് എസ്.ഐ ദിജേഷും സംഘവും അറസ്റ്റ് ചെയ്തത്. കഴിഞ്ഞ ബുധനാഴ്ചയാണ് സംഭവം നടന്നത്. പ്രതി വിദ്യാര്‍ഥിനിയേയും കൊണ്ട് സമീപത്തെ കാട്ടിലേക്ക് ഓടിക്കറയുകയായിരുന്നു എന്നാണ് പൊലിസ് പറയുന്നത്. എസ്.ഐക്കു പുറമെ എ.എസ്.ഐ  ജയചന്ദ്രന്‍, സന്തോഷ്, സി.പി.ഒ മാരായ വിജേഷ്, രാജേഷ്, മണ്‍സൂര്‍ എന്നിവരും അന്വേഷണ സംഘത്തിലുണ്ടായിരുന്നു.