നെടുങ്കണ്ടം: കഞ്ചാവുമായി യുവാവ്  അറസ്റ്റില്‍. എറണാകുളം കണയന്നൂര്‍ സ്വദേശിയായ പ്രണവ് പദ്മനാഭന്‍(24) ആണ് പിടിയിലായത്.
കഴിഞ്ഞ ദിവസം രാത്രി ഏട്ടിനു ബോഡിമെട്ട് ചെക്കുപോസ്റ്റ് കടക്കാന്‍ ശ്രമിക്കുന്നതിനിടെയാണ് ഏറണാകുളത്ത് സ്വകാര്യ കോളജില്‍ മൂന്നാം വര്‍ഷ ഡിഗ്രി വിദ്യാര്‍ഥിയായ പ്രണവ് പിടിയിലാകുന്നത്. പ്രതിയില്‍ നിന്നും 35 ഗ്രാം കഞ്ചാവ് കണ്ടെത്തി.
ബൈക്കിന്റെ സീറ്റിനടിയില്‍ ഒളിപ്പിച്ച നിലയില്‍ ആറു പൊതികളിലായാണ് കഞ്ചാവ് കണ്ടെത്തിയത്. ബോഡിയില്‍ നിന്ന് 500 രൂപയ്ക്ക് വാങ്ങിയ കഞ്ചാവെന്നാണ് പ്രതി എക്‌സൈസിനോട് പറഞ്ഞത്. നെടുങ്കണ്ടം എക്‌സൈസ് ഇന്‍സ്‌പെക്ടര്‍ വൈ. പ്രസാദ്, ശ്രീകുമാര്‍, ആനൂപ്, ജോജി, അരുണ്‍ എം.എസ്, ഷിയാദ് എന്നിവരടങ്ങിയ സംഘമാണ് പ്രതിയെ പിടികൂടിയത്.