വാദി അറഫ (ഹിദായ നഗര്‍, ചെമ്മാട്): സാമൂഹിക ശാക്തീകരണ പദ്ധതികളുമായി സുന്നി മഹല്ല് ഫെഡറേഷന്റെ സംസ്ഥാന ഉമറാ കോണ്‍ഫറന്‍സിന് ഉജ്ജ്വല സമാപ്തി. ദാറുല്‍ ഹുദാ ഇസ്‌ലാമിക് സര്‍വകലാശാലയില്‍ പ്രത്യേകം സജ്ജമാക്കിയ വാദീ അറഫയില്‍ നടന്ന ഏകദിന സംസ്ഥാന ഉമറാ കോണ്‍ഫറന്‍സില്‍ സംസ്ഥാനത്തെ വിവിധ മഹല്ലുകളില്‍ നിന്നുള്ള ആറായിരത്തോളം പ്രതിനിധികള്‍ പങ്കെടുത്തു. തൃശൂര്‍ ദേശമംഗലത്ത് നടന്ന 'വാദി ഖുബാ'യുടെയും കാസര്‍കോട് കൈതക്കാട് നടന്ന 'ലൈറ്റ് ഓഫ് മദീന'യുടെയും തുടര്‍ച്ചയായിട്ടാണ് ദാറുല്‍ഹുദായില്‍ 'വാദി അറഫ' ഒരുക്കിയത്.
എസ്.എം.എഫ് സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉമറാ കോണ്‍ഫറന്‍സ് ഉദ്ഘാടനം ചെയ്തു. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ അധ്യക്ഷനായി. സമസ്ത ജനറല്‍ സെക്രട്ടറി പ്രൊഫ.കെ.ആലിക്കുട്ടി മുസ്‌ലിയാര്‍ മുഖ്യ പ്രഭാഷണം നടത്തി. പാണക്കാട് സയ്യിദ് ഹമീദലി ശിഹാബ് തങ്ങള്‍, കോഴിക്കോട് ഖാസി അബ്ദുന്നാസ്വിര്‍ ഹയ്യ് ശിഹാബ് തങ്ങള്‍, പി.കെ.പി അബ്ദുസ്സലാം മുസ്‌ലിയാര്‍, സി.കെ.എം സ്വാദിഖ് മുസ്‌ലിയാര്‍, ത്വാഖാ അഹ്മദ് മൗലവി, എം.പി കുഞ്ഞുമുഹമ്മദ് മുസ്‌ലിയാര്‍, യു.എം അബ്ദുറഹ്മാന്‍ മുസ്‌ലിയാര്‍, ഉമര്‍ ഫൈസി മുക്കം, ചെറുവാളൂര്‍ ഹൈദ്രോസ് മുസ്‌ലിയാര്‍, മെട്രോ മുഹമ്മദ് ഹാജി, കെ.എം സൈദലവി ഹാജി കോട്ടക്കല്‍, ഡോ. യു.വി.കെ മുഹമ്മദ്, എസ്.കെ ഹംസ ഹാജി പയ്യന്നൂര്‍ എന്നിവര്‍ സംബന്ധിച്ചു. യു.ശാഫി ഹാജി സ്വാഗതവും പ്രൊഫ.തോന്നക്കല്‍ ജമാല്‍ നന്ദിയും പറഞ്ഞു. പിന്നീട് ലൈറ്റ് ഓഫ് മദീന റിവ്യു വിഷ്വല്‍ നടന്നു. ശംസുദ്ദീന്‍ മാസ്റ്റര്‍ ഒഴുകൂര്‍ അവതരണം നിര്‍വഹിച്ചു.
രാവിലെ ഒന്‍പതിനു സൈനുല്‍ ഉലമാ ചെറുശ്ശേരി സൈനുദ്ദീന്‍ മുസ്‌ലിയാര്‍, യു. ബാപ്പുട്ടി ഹാജി എന്നിവരുടെ മഖ്ബറയില്‍ നടന്ന സിയാറത്തിന് സമസ്ത കേന്ദ്ര മുശാവറാംഗം ഹാജി. എ മരക്കാര്‍ ഫൈസി നേതൃത്വം നല്‍കി. എസ്.എം.എഫ് സംസ്ഥാന ജനറല്‍ സെക്രട്ടറി ചെമ്മുക്കന്‍ കുഞ്ഞാപ്പു ഹാജി പതാക ഉയര്‍ത്തി.
'സംതൃപ്ത കുടുംബം' സെഷന്‍ റശീദലി ശിഹാബ് തങ്ങള്‍ ഉദ്ഘാടനം ചെയ്തു. എം.ടി അബ്ദുല്ല മുസ്‌ലിയാര്‍ അധ്യക്ഷനായി. അബ്ദുസ്സമദ് പൂക്കോട്ടൂര്‍, എസ്.വി മുഹമ്മദലി മാസ്റ്റര്‍, ഹക്കീം മാസ്റ്റര്‍ മാടക്കല്‍ വിഷയാവതരണം നടത്തി. സി.ടി അബ്ദുല്‍ ഖാദിര്‍ സ്വാഗതവും ഒ.എം ശരീഫ് ദാരിമി നന്ദിയും പറഞ്ഞു.
'ധനകാര്യം: വിനിമയവും' വിശുദ്ധിയും സെഷന്‍ ടി.കെ പൂക്കോയ തങ്ങള്‍ ചന്തേര ഉദ്ഘാടനം ചെയ്തു. എം.പി മുസ്തഫല്‍ ഫൈസി അധ്യക്ഷനായി. ളിയാഉദ്ദീന്‍ ഫൈസി മേല്‍മുറി, മുനീര്‍ ഹുദവി ഫറോക്ക് എന്നിവര്‍ വിഷയാവതരണം നടത്തി. പിണങ്ങോട് അബൂബക്കര്‍ സ്വാഗതവും ഇസ്മാഈല്‍ ഹുദവി ചെമ്മാട് നന്ദിയും പറഞ്ഞു.
'സംഘര്‍ഷ രഹിത സമൂഹം' സെഷന്‍ സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്തു. കെ.ടി ഹംസ മുസ്‌ലിയാര്‍ വയനാട് അധ്യക്ഷനായി. ആദൃശ്ശേരി ഹംസ കുട്ടി മുസ്‌ലിയാര്‍, ബശീര്‍ വെള്ളിക്കോത്ത്, ഡോ. സുബൈര്‍ ഹുദവി ചേകനൂര്‍ പ്രസംഗിച്ചു.
സമാപന സെഷനില്‍ സമസ്ത കേരള ജംഇയ്യത്തുല്‍ മുഅല്ലിമീന്‍ ജന. സെക്രട്ടറി ഡോ. ബഹാഉദ്ദീന്‍ മുഹമ്മദ് നദ്‌വി 'വാദീ അറഫ'യുടെ സന്ദേശപ്രഭാഷണം നടത്തി. സമാപന പ്രാര്‍ഥനയ്ക്ക് എം.എം മുഹ്‌യിദ്ദീന്‍ മുസ്‌ലിയാര്‍ നേതൃത്വം നല്‍കി. നാസര്‍ ഫൈസി കൂടത്തായി ആമുഖവും എ.കെ ആലിപ്പറമ്പ് നന്ദിയും പറഞ്ഞു.