കോഴിക്കോട്: സ്വാതന്ത്ര്യത്തിന്റെ അര്‍ഥം ഉള്‍ക്കൊള്ളാന്‍ പുതുതലമുറക്ക് കഴിയണമെന്ന് ഡോ. ആര്‍സു. ശാന്തിയുടെയും സമാധാനത്തിന്റെയും സന്ദേശം ജനമനസുകളില്‍ എത്തിച്ചവര്‍ നേടിയത് ധര്‍മവിജയമാണെന്നും ഗാന്ധിജിയുടെ മഹത്വത്തിന്റെ അടിസ്ഥാനം ഇതാണെന്നും ഡോ. ആര്‍സു അഭിപ്രായപ്പെട്ടു.
ഗ്ലോബല്‍ പീസ് ട്രസ്റ്റ് മഹാത്മജിയുടെ രക്തസാക്ഷിത്വ ദിനത്തില്‍ നടത്തിയ സ്മൃതിസംഗമം ഉദ്ഘാടനം ചെയ്യുകയായിരുന്നു അദ്ദേഹം. കോഴിക്കോട് ടൗണ്‍ ഹാളില്‍ ചേര്‍ന്ന സംഗമത്തില്‍ പ്രൊഫ. വി.എസ് ഗോപാലകൃഷ്ണന്‍ അധ്യക്ഷനായി. ഇയ്യച്ചേരി കുഞ്ഞികൃഷ്ണന്‍ മുഖ്യപ്രഭാഷണം നടത്തി.
ടി.കെ.ഡി മുഴപ്പിലങ്ങാട്, എം.പി മാലതി, ഡോ. ശബ്‌നം, സുപ്രിയാ റാണി, നവാസ് കൂരിയാട്, കുഞ്ഞിക്കണ്ണന്‍ ചെറുകാട്, സാലിഹ്, അനസ് വേങ്ങര, എം.പി വേണു നായര്‍, ടി. സുബൈര്‍, എ.കെ സത്താര്‍, റിയാസ് തലപ്പാറ, റസാഖ് കൂളത്ത് സംസാരിച്ചു.