കോഴിക്കോട്: ജീവകാരുണ്യ സംഘടനയായ നരിക്കുനിയിലെ അത്താണിയെ കോഴിക്കോട് നഗരത്തിന് പരിചയപ്പെടുത്തുക എന്ന ഉദ്ദേശത്തോടെ 'തസല്ലി' എന്ന പേരില്‍ ഗസല്‍ സന്ധ്യ നടത്തുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.  ഇന്ന് വൈകിട്ട് ആറിന് ടാഗോര്‍ ഹാളില്‍ നടക്കുന്ന പരിപാടി മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്യും. അത്താണി സ്റ്റുഡന്റ് വിങിന്റെ എക്‌സ്‌പോ, ഡോക്യുമെന്ററി പ്രദര്‍ശനം തുടങ്ങിയവ ഉണ്ടാകും. ഗായക ദമ്പതികളായ റാസാ റസാഖും ഇംതിയാസ് ബീഗവും പങ്കെടുക്കും. വാര്‍ത്താ സമ്മേളനത്തില്‍ ചെയര്‍മാന്‍ കെ. സുധാകരന്‍, സെക്രട്ടറി വി. പി അബ്ദുല്‍, മുനീര്‍, മുഹമ്മദലി, കെ. മുനീര്‍ പങ്കെടുത്തു.