കൊച്ചി : അയ്യനാട് ബാങ്ക് ഡയറക്ടേഴ്‌സ് ബോര്‍ഡംഗം സിയാദിന്റെ മരണം പാര്‍ട്ടി അന്വേഷിക്കണമെന്ന് മുതിര്‍ന്ന സി.പി.എം നേതാവ് എം.എം ലോറന്‍സ്. കളമശേരി ഏരിയാ സെക്രട്ടറി സക്കീര്‍ ഹുസൈനെതിരേ ആത്മഹത്യാക്കുറിപ്പ് കണ്ടെടുത്ത സാഹചര്യത്തില്‍ സ്ഥാനം ഒഴിയുകയാണ് വേണ്ടതെന്നും അദ്ദേഹം അഭിപ്രായപ്പെട്ടു.
സിയാദിന്റെ മരണവുമായി ബന്ധപ്പെട്ട് സക്കീര്‍ ഹുസൈന്‍ സ്വയം സ്ഥാനമൊഴിഞ്ഞ് പോവുകയാണെങ്കില്‍ അദ്ദേഹത്തെ മാന്യനെന്ന് പറയാം. അല്ലാത്തപക്ഷം ആരോപണം നിഷേധിക്കാന്‍ കഴിയണം. ഇപ്പോള്‍ ഉയരുന്ന ആരോപണങ്ങള്‍ ഗൗരവമായും സത്യസന്ധമായും പാര്‍ട്ടി അന്വേഷിക്കണമെന്നും എം.എം ലോറന്‍സ് ആവശ്യപ്പെട്ടു.