കാസര്‍കോട്: സംസ്ഥാന വ്യാപകമായി റേഷന്‍ കടകളുടെ മുഖം മിനുക്കുന്നു. ഇതിന്റെ ഭാഗമായി ജില്ലയിലെ വിവിധ താലൂക്ക് പരിധികളിലെ റേഷന്‍ കടകളുടെ മുഖങ്ങളും മിനുക്കി തുടങ്ങി.
റേഷന്‍ കടകളില്‍ ഈ പോസ് യന്ത്രങ്ങള്‍ സ്ഥാപിച്ചതിനു പിന്നാലെയാണ് കടകളും മോടിപിടിപ്പിക്കാന്‍ തുടങ്ങിയത്.
കടയുടെ വാതിലുകളും ഷട്ടറുകളും ബോര്‍ഡുകളും വെള്ളയും ചുവപ്പും ഉള്‍പ്പെടെയുള്ള കളറുകളില്‍ പെയിന്റ് ചെയ്താണ് മോടി പിടിപ്പിക്കുന്നത്. ഒരു കാലത്ത് റേഷന്‍ കടകളുടെ ബോര്‍ഡുകള്‍ വായിക്കാനാവാതെയും കടകളുടെ വാതിലുകള്‍ കാണാത്ത തരത്തില്‍ ഇരുണ്ട നിലയില്‍ സ്ഥിതി ചെയ്തിരുന്നതില്‍ നിന്നും മാറി സംസ്ഥാനത്തെ റേഷന്‍ കടകള്‍ മുഴുവനും ഒരേ തരത്തിലുള്ള പെയിന്റിങ് ചെയ്തു ഭംഗിയാക്കുന്ന ജോലിയാണ് ഇപ്പോള്‍ ചെയ്തു വരുന്നത്.