കരുനാഗപ്പള്ളി: എക്‌സൈസ് എന്‍ഫോഴ്‌സ്‌മെന്റ് ആന്‍ഡ് ആന്റിനര്‍ക്കോട്ടിക്ക് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എം.നൗഷാദിന്റെ നേതൃത്വത്തില്‍ കരുനാഗപ്പള്ളിയുടെ വിവിധ ഭാഗങ്ങളില്‍ നടത്തിയ റെയ്ഡില്‍ വിദേശമദ്യം പിടികൂടി.
ഡ്രൈഡേ ദിവസം വിദേശമദ്യം ഒതുക്കം ചെയ്ത് സൂക്ഷിച്ച് വില്‍പന നടത്തിവന്ന ചവറ എ.എം.സി ജങ്ഷനില്‍ പുറംചുറ്റില്‍ വീട്ടില്‍ സന്തോഷ് കുമാറിനെ (47) അറസ്റ്റ് ചെയ്ത് പ്രതിയെ കോടതിയില്‍ ഹജാരക്കി റിമാന്‍ഡ് ചെയ്തു. നിരവധി അബ്കാരി കേസുകളിലെ പ്രതിയാണ് പിടിയിലായ സന്തോഷ്‌കുമാര്‍.
പരിശോധനയില്‍ 107 കുപ്പി വിദേശമദ്യവും, മദ്യം വിറ്റ വകയില്‍ 8150 രൂപയും പിടിച്ചെടുത്തു. റെയിഡില്‍ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എം.നൗഷാദ്, പ്രീവന്റീ വ് ഓഫിസര്‍മാരായ എസ്. നിഷാദ്, വിനോദ് ,ആര്‍.ജി.സിവില്‍ എക്‌സൈസ് ഓഫിസര്‍മാരായ സലീം, വൈശാഖ്, അനില്‍കുമാര്‍, സോണി ജെ. സോമന്‍, ശ്രീജയന്‍, ഡ്രൈവര്‍ ജയകുമാര്‍ എന്നിവര്‍ പങ്കെടുത്തു.