കോഴിക്കോട്: നിയമസഭാ തെരഞ്ഞെടുപ്പില്‍ കോഴിക്കോട്, മലപ്പുറം, പാലക്കാട് ജില്ലകളിലെ കോണ്‍ഗ്രസ് സ്ഥാനാര്‍ഥികള്‍ക്കുണ്ടായ പരാജയ കാരണങ്ങളും ഇതു സംബന്ധിച്ചു ലഭിച്ച പരാതികളും അന്വേഷിക്കുന്നതിന് കെ.പി.സി.സി എക്‌സിക്യൂട്ടിവ് ക്യാംപ് തീരുമാനപ്രകാരം നിയോഗിക്കപ്പെട്ട മൂന്നംഗ ഫാക്ട് ഫൈന്‍ഡിങ് സമിതി സിറ്റിങ് നടത്തുന്നു.
22ന് കോഴിക്കോട് ജില്ലയിലും, 23ന് മലപ്പുറം ജില്ലയിലും, 24ന് പാലക്കാട് ജില്ലയിലും അതത് ഡി.സി.സി ഓഫിസില്‍ വച്ചു രാവിലെ 10 മുതല്‍ വൈകിട്ട് ആറു വരെയാണ് സിറ്റിങ് നടക്കുകയെന്നു സമിതി കണ്‍വീനര്‍ കെ.പി.സി.സി ജനറല്‍ സെക്രട്ടറി അഡ്വ. സജീവ് ജോസഫ് അറിയിച്ചു.