പത്തനംതിട്ട: കൊവിഡ് നിരീക്ഷണത്തിലുള്ള വിദ്യാര്‍ഥിയുടെ പിതാവ് മരിച്ചു. ചൈനയില്‍ നിന്നെത്തി 10 ദിവസമായി വീട്ടില്‍ കഴിയുന്ന പത്തനംതിട്ട വല്ലന സ്വദേശിയായ വിദ്യാര്‍ഥിയുടെ പിതാവാണ് മരിച്ചത്.

എറണാകുളത്തെ ആശുപത്രിയിലായിരുന്നു അന്ത്യം. വിദ്യാര്‍ഥിയും പിതാവും തമ്മില്‍ സമ്പര്‍ക്കം ഉണ്ടായിരുന്നില്ലെന്നാണ് വിലയിരുത്തല്‍. എങ്കിലും, സംസ്‌കാരം അടക്കമുള്ള ചടങ്ങുകള്‍ കൊവിഡ് പ്രോട്ടോകോള്‍ പ്രകാരം നടത്തിയേക്കും.