വിയന്ന: ഇറാനെതിരെ അമേരിക്കയും ഇസ്റാഈലും നടത്തിയ ആക്രമണങ്ങളിൽ രാജ്യത്തെ ആണവനിലയങ്ങൾക്ക് കേടുപാടുകൾ സംഭവിച്ചിട്ടില്ലെന്ന് അന്താരാഷ്ട്ര ആണവോർജ്ജ ഏജൻസി (IAEA). ഇറാനിലെ ആണവ കേന്ദ്രങ്ങളുടെ സുരക്ഷ സംബന്ധിച്ച ആശങ്കകൾക്കിടയിലാണ് ഐഎഇഎ ഔദ്യോഗിക റിപ്പോർട്ട് പുറത്തുവിട്ടത്.

ഉപഗ്രഹ ചിത്രങ്ങൾ വിശകലനം ചെയ്തതിന്റെ അടിസ്ഥാനത്തിൽ ഇറാനിലെ ആണവ സാമഗ്രികൾ സൂക്ഷിച്ചിട്ടുള്ള ഒരു കേന്ദ്രത്തിനും കേടുപാടുകൾ സംഭവിച്ചിട്ടില്ലെന്ന് ഐഎഇഎ മേധാവി റാഫേൽ ഗ്രോസി വ്യക്തമാക്കി. അതിനാൽ, നിലവിൽ ആണവ വികിരണ ഭീഷണിയില്ലെന്നും അദ്ദേഹം കൂട്ടിച്ചേർത്തു.

ALSO READ: യുഎസ് ചാനലിന്റെ അവകാശവാദം പച്ചക്കള്ളം; അമേരിക്കൻ നാവികസേന ഇന്ത്യൻ തുറമുഖങ്ങൾ ഉപയോഗിക്കുന്നുവെന്ന റിപ്പോർട്ട് തള്ളി വിദേശകാര്യ മന്ത്രാലയം

അതേസമയം, മധ്യ ഇറാനിലെ ഇസ്ഫഹാനിലുള്ള നതാൻസ് ആണവനിലയത്തിന് സമീപത്തെ രണ്ട് കെട്ടിടങ്ങൾക്ക് കേടുപാടുകൾ സംഭവിച്ചതായി റിപ്പോർട്ടിലുണ്ട്. എന്നാൽ പ്രധാന ആണവ കേന്ദ്രങ്ങളെ ഇത് ബാധിച്ചിട്ടില്ല. ബുഷെഹർ അടക്കമുള്ള മറ്റ് പ്രധാന ആണവനിലയങ്ങളെല്ലാം സുരക്ഷിതമാണെന്ന് പരിശോധനയിൽ വ്യക്തമായി.

അതേസമയം, മിഡിൽ ഈസ്റ്റിൽ സമാധാനം നിലനിർത്താനും ആണവ അപകടങ്ങൾ തടയാനും ബന്ധപ്പെട്ട കക്ഷികൾ അങ്ങേയറ്റം സംയമനം പാലിക്കണമെന്ന് റാഫേൽ ഗ്രോസി ഓർമ്മിപ്പിച്ചു.

The International Atomic Energy Agency (IAEA) has confirmed that Iran’s nuclear facilities remained undamaged following recent military strikes by the US and Israel. IAEA Director-General Rafael Grossi stated that based on an extensive analysis of the latest satellite imagery, there is no evidence of damage to buildings containing nuclear material, effectively ruling out any immediate risk of a radiological release.