തിരുവനന്തപുരം: വിഴിഞ്ഞത്ത് കെഎസ്ആർടിസി ബസിടിച്ച് സ്കൂട്ടർ യാത്രക്കാരനായ യുവാവ് മരിച്ചു. ബുധനാഴ്ച ഉച്ചയ്ക്ക് നടന്ന വിഴിഞ്ഞം കോട്ടപ്പുറം സ്വദേശി വർഗീസ് (30) ആണ് മരിച്ചത്. മുക്കോല-വിഴിഞ്ഞം റോഡിൽ വില്ലേജ് ഓഫിസിന് സമീപത്തുവെച്ചായിരുന്നു അപകടം. 

ഇലക്ട്രീഷ്യനായി ജോലി ചെയ്യുന്ന വർഗീസ്, ജോലികഴിഞ്ഞ് ഉച്ചഭക്ഷണം കഴിക്കാനായി വീട്ടിലേക്ക് സ്കൂട്ടറിൽ മടങ്ങുകയായിരുന്നു. ഈ സമയം, പൂവാറിൽ നിന്നും തിരുവനന്തപുരത്തേക്ക് വരികയായിരുന്ന കെഎസ്ആർടിസി ബസ് വർഗീസിന്റെ സ്കൂട്ടറിൽ ഇടിക്കുകയായിരുന്നു. ഈടിയുടെ ആ​ഘാതത്തിൽ, ബസിനടിയിലേക്ക് തെറിച്ചുവീണ വർഗീസിന്റെ തലയിൽ ബസിന്റെ പിൻചക്രം തട്ടുകയായിരുന്നു.

ALSO READ: മെഡിക്കൽ കോളേജ് ഡോക്ടർമാരുടെ സമരം താൽക്കാലികമായി പിൻവലിച്ചു; 18 മാസത്തെ ശമ്പള കുടിശ്ശിക ഉടൻ നൽകുമെന്ന് സർക്കാർ

ഉടൻ തന്നെ നാട്ടുകാർ ചേർന്ന് വർഗീസിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ഇപ്പോൾ മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റിയിരിക്കുകയാണ്. സംഭവത്തിൽ കേസെടുത്ത വിഴിഞ്ഞം പൊലിസ് അന്വേഷണം ആരംഭിച്ചു. അന്തോണി അടിമ-സേസമ്മ ദമ്പതികളുടെ മകനായ വർഗീസ് അവിവാഹിതനാണ്.

A 30-year-old man lost his life on Wednesday afternoon after his scooter was hit by a KSRTC bus near the Village Office on the Mukkola-Vizhinjam road. The deceased has been identified as Varghese, a resident of Kottapuram, Vizhinjam, who worked as an electrician.