തിരുവനന്തപുരം: നോര്‍ക്ക പുനരധിവാസ പദ്ധതിയായ നോര്‍ക്ക ഡിപ്പാര്‍ട്ട്‌മെന്റ് പ്രൊജക്ട് ഫോര്‍ റിട്ടേണ്‍ഡ് എമിഗ്രന്റ്‌സ് പദ്ധതിയില്‍ പേര് രജിസ്റ്റര്‍ ചെയ്ത അപേക്ഷകര്‍ക്കായി ഈ മാസം വിവിധ ജില്ലകളില്‍ പരിശീലന പരിപാടി നടത്തും.

ഈ മാസം 15ന് തിരുവനന്തപുരം തൈക്കാട് സെന്റര്‍ ഫോര്‍ മാനേജ്‌മെന്റ് ഡെവലപ്‌മെന്റ്, 18ന് കൊല്ലം കലക്ടറേറ്റ് കോണ്‍ഫറന്‍സ് ഹാള്‍, 12ന് ആലപ്പുഴ സെന്റര്‍ ഫോര്‍ മാനേജ്‌മെന്റ് ഡെവലപ്‌മെന്റ് ഹാള്‍, എട്ടിന് എറണാകുളം കലക് ടറേറ്റ് കോണ്‍ഫറന്‍സ് ഹാള്‍, 11ന് തൃശൂര്‍ കലക്ടറേറ്റ് കോണ്‍ഫറന്‍സ് ഹാള്‍, 12ന് പാലക്കാട് കലക്ടറേറ്റ് കോണ്‍ഫറന്‍സ് ഹാള്‍, നാലിന് മലപ്പുറം കോട്ടക്കുന്ന് ബാങ്ക് ഹാള്‍, 11ന് കോഴിക്കോട് ന്യൂ നളന്ദ ഓഡിറ്റോറിയം, ആറിന് കണ്ണൂര്‍ കെ.റ്റി.ടി.സി ഹാള്‍ എന്നിവിടങ്ങളിലാണ് പരിശീലനം നടക്കുകയെന്ന് നോര്‍ക്ക റൂട്ട്‌സ് ചീഫ് എക്‌സിക്യൂട്ടിവ് ഓഫിസര്‍ കെ. ഹരികൃഷ്ണന്‍ നമ്പൂതിരി അറിയിച്ചു.