മലപ്പുറം: എസ്.കെ.ജെ.എം ഇസ്‌ലാമിക കലാസാഹിത്യ മത്സരത്തില്‍ മുഅല്ലിം ഫെസ്റ്റില്‍ മലപ്പുറം ഈസ്റ്റ് ജില്ലയില്‍ 78 പോയിന്റോടെ മലപ്പുറം മേഖല ജേതാക്കളായി. പെരിന്തല്‍മണ്ണ മേഖല (68 പോയിന്റ്) രണ്ടാം സ്ഥാനവും നിലമ്പൂര്‍ (49 പോയിന്റ്) മൂന്നാം സ്ഥാനവും നേടി. മറ്റു മേഖലകളുടെ പോയിന്റ് നില: കൊളത്തൂര്‍ 43, കൊണ്ടോട്ടി 43, കാളികാവ് 34, എടവണ്ണപ്പാറ 28, മഞ്ചേരി 27.
വെസ്റ്റ് ജില്ലയില്‍ ഫലപ്രഖ്യാപനം നടന്ന ഒന്‍പതു മത്സരഇനങ്ങളില്‍ പൊന്നാനി 50, ചേളാരി 45, കോട്ടക്കല്‍ 43 എന്നിങ്ങനെ പോയിന്റ് നേടി ആദ്യ മൂന്നു സ്ഥാനങ്ങളില്‍ തുടരുകയാണ്. മറ്റു മത്സരങ്ങളുടെ ഫലപ്രഖ്യാപനം ഇന്നു നടക്കും. 13 ഇനങ്ങളിലാണ് മുഅല്ലിം വിഭാഗം മത്സരങ്ങള്‍ നടക്കുന്നത്.
ഇന്നു രണ്ടിടങ്ങളിലും വിദ്യാര്‍ഥി വിഭാഗം മത്സരങ്ങള്‍ നടങ്ങും. ഈസ്റ്റ് ജില്ലാ കലാമത്സര സമാപനവും ട്രോഫി വിതരണവും വൈകിട്ട് മൂന്നിനു നടക്കും. സമസ്ത പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍, ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍, സയ്യിദ് നാസര്‍ അബ്ദുല്‍ ഹയ്യ് ശിഹാബ് തങ്ങള്‍, സയ്യിദ് ഹാശിറലി ശിഹാബ് തങ്ങള്‍ പങ്കെടുക്കും. വെസ്റ്റ് ജില്ലാ സമാപനം അഞ്ചിനു പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. കെ. മോയിന്‍ കുട്ടി മാസ്റ്റര്‍, എം.എ ചേളാരി പങ്കെടുക്കും.

വിദ്യാര്‍ഥി ഫെസ്റ്റ്: ഈസ്റ്റില്‍ പെരിന്തല്‍മണ്ണ മുന്നില്‍

വിളയില്‍: മലപ്പുറം ഈസ്റ്റ് ജില്ലാ ഇസ്്‌ലാമിക കലാസാഹിത്യ മത്സരത്തില്‍ വിദ്യാര്‍ഥി വിഭാഗതത്തില്‍ 100 പോയിന്റോടെ പെരിന്തല്‍മണ്ണ മേഖല മുന്നില്‍. എടവണ്ണപ്പാറ (97), മലപ്പുറം (85), കൊളത്തൂര്‍ (80) തുടങ്ങിയ മേഖലകളാണ് തൊട്ടടുത്ത പോയിന്റുകളായി മുന്‍നിരയിലുള്ളത്. മത്സരം ഇന്നു രാവിലെ ഒന്‍പതു മുതല്‍ തുടരും.