കൊടുവള്ളി: പുതിയ കാലത്തോട് സംവദിക്കാന്‍ വിദ്യാര്‍ഥികള്‍ നൂതന സാങ്കേതിക വിദ്യ ഉപയോഗപ്പെടുത്തണമെന്ന് മുസ്‌ലിം ലീഗ് ദേശീയ ഓര്‍ഗനൈസിങ് സെക്രട്ടറി ഇ.ടി മുഹമ്മദ് ബഷീര്‍ എം.പി പറഞ്ഞു. കൊടുവള്ളി മണ്ഡലം യൂത്ത്‌ലീഗ് കമ്മിറ്റി ആരംഭിക്കുന്ന 100 എജ്യു സെന്ററുകളുടെ പ്രഖ്യാപനം നിര്‍വഹിച്ച് സംസാരിക്കുകയായിരുന്നു അദ്ദേഹം. സാങ്കേതിക വിദ്യയുടെ ദ്രുതഗതിയിലുള്ള വളര്‍ച്ച കണ്ടില്ലെന്ന് നടിക്കരുതെന്നും വിവര സാങ്കേതിക വിദ്യയുടെ വിദ്യാഭ്യാസമുള്ള സമൂഹത്തിനേ സംസ്‌കാര സമ്പന്നമാവാന്‍ കഴിയൂ എന്നും അദ്ദേഹം പറഞ്ഞു.
മണ്ഡലം പ്രസിഡന്റ് ടി.മൊയ്തീന്‍കോയ അധ്യക്ഷനായി. ട്രെയ്‌നര്‍ അഭിശാദ് ഗുരുവായൂര്‍ വിദ്യാര്‍ഥികളുമായി സംവദിച്ചു. മണ്ഡലത്തിലെ വൈറ്റ്ഗാര്‍ഡ് അംഗങ്ങളെ ചടങ്ങില്‍ അനുമോദിച്ചു. സി. മോയിന്‍കുട്ടി, എം.എ റസാഖ് , വി.എം ഉമ്മര്‍ , നജീബ് കാന്തപുരം, ടി.കെ മുഹമ്മദ്, ഇബ്രാഹിം എളേറ്റില്‍, അസീസ് നരിക്കുനി, അബു മൗലവി, വി. ഇല്യാസ്, ശരീഫ കണ്ണാടി പൊയില്‍, എ.പി മജീദ് , വി.കെ അബ്ദു ഹാജി, എം.എ ഗഫൂര്‍, വി.കെ റഷീദ്, എ.കെ കൗസര്‍, കെ.കെ.എ ഖാദര്‍, എ.പി നാസര്‍, കെ.സി ഖാദര്‍, മുഹമ്മദ്, എ.ടി, ഹാരിസ്, മജീദ് പുനത്തില്‍, നജീബ് തച്ചംപൊയില്‍, റഫീഖ് കൂടത്തായി, സി.കെ.റസാഖ് സംസാരിച്ചു.