പുന്നയൂര്‍ക്കുളം: തൊഴിലുറപ്പ് തൊഴിലാളികള്‍ നിര്‍മിച്ച ഹോളോബ്രിക്‌സ് കട്ടകള്‍ വിവിധ ഭവന പദ്ധതികള്‍ പ്രകാരം നിര്‍മാണം ആരംഭിച്ച വീടുകള്‍ക്ക് സൗജന്യമായി വിതരണം ചെയ്തു.
പഞ്ചായത്തിലെ പരൂര്‍ ഒന്‍പതാം വാര്‍ഡില്‍ പഞ്ചായത്ത് പ്രസിഡന്റ് എ.ഡി ധനീപ് ഉദ്ഘാടനം ചെയ്തു. പഞ്ചായത്ത് എന്‍.ആര്‍.ജി.എ. തൊഴിലുറപ്പ് പദ്ധതി പ്രകാരം പരൂര്‍ ഒന്‍പതാം വാര്‍ഡിലെ തൊഴിലുറപ്പ് തൊഴിലാളികളാണ് കട്ട നിര്‍മിച്ചത്.
ഒരു വീടിന് ആഞ്ഞൂറ് കട്ടകള്‍വരെ ലഭിക്കും. ലൈഫ് ഭവന നിര്‍മാണ പദ്ധതിയിലും പ്രളയത്തില്‍ തകര്‍ന്നതും ആയ ഒന്‍പതാം വാര്‍ഡില്‍ നിര്‍മാണ മാരംഭിച്ച 15 വീടുകള്‍ക്കുമാണ് കട്ടകള്‍ വിതരണം ചെയ്തത്.
പഞ്ചായത്തംഗങ്ങളായ യു.എം ഫാരിഖ്, കെ.എസ് ഭാസ്‌ക്കരന്‍, ചാവക്കാട് ബി.ഡി.ഒ. എന്‍.ആര്‍.ജി.എ. അസി.എന്‍ജിനീയര്‍ കൊച്ച്‌പോള്‍, ഓവര്‍സീയര്‍ ജിത്തു, സി.ഡി.എസ് ചെയര്‍പേഴ്‌സന്‍ കോമള ശശിധരന്‍ തുടങ്ങിയവര്‍ സംസാരിച്ചു.