പാറശാല: അനധികൃതമായി വിവിധ ഗോഡൗണുകളില്‍ സൂക്ഷിച്ചിരുന്ന11450 കിലോ റേഷനരി കേരള അതിര്‍ത്തിയില്‍ നിന്നും പിടികൂടി. റേഷന്‍ കടകള്‍, ട്രാന്‍സ്‌പോര്‍ട്ടിങ് കരാറുകര്‍ എന്നിവരില്‍ നിന്നും ശേഖരിച്ചവയാന്നെന്നാണ് നിഗമനം.
പാറശാല ഇഞ്ചി വിളയിലെ മുഹമ്മദ് എന്ന അരി വ്യാപാരിയുടെ നിയന്ത്രണത്തിലുള്ള വിട്ടില്‍ നിന്നും 5000 കിലോ റേഷനരിയാണ് ഇന്നലെ നടന്ന റെയ്ഡില്‍ പിടികൂടിയത്. ഡോ. വിഡ്, ആരിഫ് ഖാന്‍, ബഷിര്‍, ഷറഫുദ്ദിന്‍ എന്നിവരുടെ ഗോഡോണുകളിലും റെയിഡ് നടന്നിരുന്നു. ഇന്നലെ നടത്തിയ റെയ്ഡിനെ തുടര്‍ന്ന് 11450കിലോ റേഷനരിയാണ് കണ്ടെത്തുവാന്‍ കഴിഞ്ഞത്.
കഴിഞ്ഞ 28ന് പൂവ്വാറിലെ സ്വകാര്യ മില്ലില്‍ നിന്നും കുണ്ടറയിലേക്ക് കടത്തുകയായിരുന്ന മൂന്ന് ലോഡ് റേഷനരി പാരിപ്പനിയില്‍ നിന്നും പൊലിസ് പിടികൂടിയിരുന്നു. ഇതിനെ തുടര്‍ന്ന് ലോഡ് കയറ്റിയ പൂവാറിലെ ഗോഡൗണുകള്‍ പൊലിസ് പരിശോധന നടത്തി തെളിവുകള്‍ ശേഖരിച്ചു.
2018 മേയ് മുതല്‍ സംസ്ഥാനത്ത് മൊത്ത വില്‍പ്പനക്കാരെ ഒഴിവാക്കി റേഷന്‍ കടകളില്‍ നേരിട്ട് വിതരണം നടത്തുന്നതിന് വാതില്‍പ്പടി പദ്ധതിക്കായി കരാറുകാരെ നിയമിച്ച ശേഷവും ടണ്‍ കണക്കിനു റേഷനരി കരിഞ്ചന്തയിലെത്തിയ സംഭവം വകുപ്പിനു തലവേദനയായി മാറിയിരിക്കയാണ്. ഇതിനെ തുടര്‍ന്ന് ഒരാഴ്ചായായി ജില്ലയിലെ വകുപ്പ് ഉദ്യോഗസ്ഥര്‍ നെയ്യാറ്റിന്‍കര മേഖലയിലെ വിവിധ ഗോഡൗണുകള്‍ പരിശോധനകള്‍ നടത്തിവരുകയായിരുന്നു.
ജില്ലയിലെ വിവിധ റേഷന്‍ കടകളില്‍ എത്തുന്ന റേഷനരി ചാക്കില്‍ നിന്നും കിലോ കണക്കിനു റേഷനരി കവരുന്നതായി പരാതികള്‍ മുന്‍പും ആരോപണങ്ങള്‍ ഉയര്‍ന്നിരുന്നു.
അനധികൃതമായി സൂക്ഷിച്ചിരുന്ന കണക്കില്‍പ്പെടത്ത രണ്ട് ലോഡ് റേഷനരി കണ്ടെത്തിയതിനു പിന്നില്‍ ഇങ്ങനെ ശേഖരിച്ചവയായിരിക്കാമെന്ന അഭ്യൂഹങ്ങളുഗോഡൗണുകളും പൂട്ടിയ നിലയിലാണ് കണ്ടെത്തിയത്. ഇവിടത്തെ ഗോഡൗണുകളുടെ പൂട്ടുകള്‍ അധികൃതര്‍ തകര്‍ത്താണ് പരിശോധനകള്‍ നടത്തിയത്.