വടക്കാഞ്ചേരി: അറിവിന്റെ നിറകുടവുമായി വിദ്യാര്‍ഥികള്‍ സജ്ജീകരിച്ച ലൈബ്രറി വടക്കാഞ്ചേരി പൊലിസ് സ്റ്റേഷനില്‍ പ്രവര്‍ത്തനമാരംഭിച്ചു.
വടക്കാഞ്ചേരി ഗവണ്‍മെന്റ് വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ ഹയര്‍ സെക്കന്‍ഡറി നാഷ്ണല്‍ സര്‍വിസ് സ്‌കീം രജത ജൂബിലിയോടനുബന്ധിച്ചാണ് കുട്ടികള്‍ സ്‌കൂള്‍ കാംപസ് വിട്ട് പുറത്ത് കടന്ന് പൊലിസ് സ്റ്റേഷനില്‍ അക്ഷരദീപം എന്ന പേരില്‍ ലൈബ്രറി ആരംഭിയ്ക്കുന്നത്.
നാട്ടുകാരുടേയും സാംസ്‌കാരിക പ്രവര്‍ത്തകരുടേയും സഹകരണത്തോടെയാണ് ലൈബ്രറി പ്രവര്‍ത്തിയ്ക്കുക. വടക്കാഞ്ചേരി പ്രസ് ക്ലബ് പ്രസിഡന്റ് വി. മുരളി ഉദ്ഘാടനം ചെയ്തു.
എസ് ഐ. കെ.സി രതീഷ് അധ്യക്ഷനായി. പി.വി വേണുഗോപാലന്‍, സ്‌കൂള്‍ പ്രിന്‍സിപ്പല്‍ വി. ചന്ദ്രശേഖരന്‍, പൊലിസ് ഓഫിസര്‍ രമേഷ്, പി.ടി.എ പ്രസിഡന്റ് സി.എല്‍ തോമാസ്, പ്രോഗ്രാം ഓഫിസര്‍ പി. എഫ്. ലൂസി, ജോണ്‍സണ്‍ പോണല്ലൂര്‍, ആര്യ രവീന്ദ്രന്‍ എന്നിവര്‍ സംസാരിച്ചു.