പാനൂര്‍: തട്ടിപ്പിന് പുതുവഴി തേടുന്ന സംഘങ്ങള്‍ പാനൂര്‍ മേഖലയില്‍ വിലസുന്നതായി സൂചന. ഏറ്റവും ഒടുവിലായി സോപ്പിനകത്ത് സ്റ്റിക്കര്‍ ഒട്ടിച്ച് സമ്മാനം ലഭിച്ചെന്ന് ജനങ്ങളെ വിശ്വസിപ്പിക്കുകയാണിവര്‍. സ്‌കൂട്ടര്‍ ഉള്‍പ്പെടെയുള്ള ബംബര്‍ സമ്മാനങ്ങളാണ് വാഗ്ദാനം.
ചെറിയ തുകയ്ക്ക് സോപ്പുകള്‍ വാങ്ങി ബംബര്‍ സമ്മാനം ലഭിച്ചെന്നറിഞ്ഞ സന്തോഷത്തില്‍ കൂടുതലൊന്നും ആലോചിക്കാതെ പലരും തട്ടിപ്പില്‍ കുടുങ്ങുകയാണ്. സ്‌കൂട്ടറിന്റെ ഇന്‍ഷൂറന്‍സ് തുകയായി 5000, 10000 രൂപയൊക്കെയാണ് ആവശ്യപ്പെടുന്നത്.
ഇതിനിടെ കബളിപ്പിക്കപ്പെട്ട ചെണ്ടയാട് സ്വദേശി പൊലിസിനെ സമീപിച്ചു. പത്തംഗ സംഘമാണ് ഇത്തരത്തില്‍ പാനൂര്‍ മേഖലയില്‍ ചുറ്റി തിരിയുന്നത്. പരാതി ലഭിച്ചിട്ടുണ്ടെന്നും ഇതേ കുറിച്ച് അന്വേഷിച്ചുവരികയാണെന്നും പാനൂര്‍ സി.ഐ വി.വി ബെന്നി പറഞ്ഞു. ഇത്തരത്തില്‍ തട്ടിപ്പിനിരയായവര്‍ പൊലിസുമായി ബന്ധപെടണമെന്നും സി.ഐ ആവശ്യപ്പെട്ടു.