കണ്ണൂര്‍: ദലിത് യുവതികളെ അറസ്റ്റ് ചെയ്തതില്‍ വീഴ്ച പറ്റിയിട്ടില്ലെന്ന് കണ്ണൂര്‍ എസ്.പി സഞ്ജയ്കുമാര്‍ ഗുരുദിനിന്റെ റിപ്പോര്‍ട്ട്. ഡി.ജി.പി ലോക്‌നാഥ് ബെഹ്‌റയ്ക്കു നല്‍കിയ റിപ്പോര്‍ട്ടിലാണ് ഇക്കാര്യം പറയുന്നത്. അറസ്റ്റ് ചെയ്തത് നടപടിക്രമങ്ങള്‍ പാലിച്ചാണെന്നും റിപ്പോര്‍ട്ടില്‍ പറയുന്നു.

സി.പി.എം പ്രവര്‍ത്തകനെ മര്‍ദിച്ചുവെന്ന കേസിലാണ് തലശ്ശേരി സ്വദേശികളായ അഖില, അഞ്ജന എന്നിവരെ അറസ്റ്റ് ചെയ്തത്. ജാമ്യമില്ലാ വകുപ്പുപ്രകാരം അറസ്റ്റിലായ ഇവര്‍ ജയിലിലായതോടെ സംഭവം വിവാദമാവുകയായിരുന്നു. ഇതേത്തുടര്‍ന്നാണ് ഡി.ജി.പി എസ്.പിയോടു റിപ്പോര്‍ട്ട് തേടിയത്.