ബമാക്കോ: മാലിയില്‍ വിമതര്‍ നടത്തിയ രണ്ട് ആക്രമണങ്ങളില്‍ 43 പേര്‍ കൊല്ലപ്പെട്ടു. രാജ്യത്തിന്റെ അതിര്‍ത്തി പ്രദേശമായ നിഗറില്‍ നടന്ന ആക്രമങ്ങളില്‍ ന്യൂനപക്ഷ വിഭാഗമായ തോരഗില്‍പ്പെട്ടവരാണ് കൊല്ലപ്പെട്ടതെന്ന് പ്രാദേശിക വൃത്തങ്ങള്‍ അറിയിച്ചു.
മോട്ടോര്‍ സൈക്കിളില്‍ എത്തിയ അക്രമി അവാകസ, അന്‍ഡര്‍നാബെയ്കാന എന്നിവിടങ്ങളിലെ ജനങ്ങള്‍ക്ക് നേരെ വെടിയുതിര്‍ക്കുകയായിരുന്നുവെന്ന് മേനകാ മേഖലയിലെ ഗവര്‍ണര്‍ ഡൗഡ മൈഗ പറഞ്ഞു. ഐ.എസില്‍പ്പെട്ട ഫുലാനി അംഗങ്ങളാവാം ആക്രമണത്തിന് പിന്നലെന്ന് അദ്ദേഹം പറഞ്ഞു.
ഈ മാസം ആദ്യത്തില്‍ അല്‍ ഖാഇദക്കെതിരേ ഫ്രാന്‍സ് സൈന്യത്തിന്റെ പിന്തുണയോടെ തോരഗ് പ്രതിരോധ സേനയുടെ നേതൃത്വത്തില്‍ ശക്തമായ ആക്രമണം നടത്തിയിരുന്നു. ഇതിന്നുള്ള തിരിച്ചടിയാവാം ഇപ്പോഴുണ്ടായ ആക്രമമെന്നും സംശയിക്കുന്നുണ്ട്.